ಶಾಸಕರ ತವರು ಪಂಚಾಯತಿಯ ಕೇಂದ್ರ ಸ್ಥಾನದಲ್ಲಿಯೇ ಕೆಸರು ಗದ್ದೆಯಾಗಿರೋ ರಸ್ತೆ

ತುಮಕೂರು ಜಿಲ್ಲೆಯ ಪಾವಗಡ ತಾಲೂಕಿನ ಮರಿದಾಸನಹಳ್ಳಿ ಗ್ರಾಮ ಪಂಚಾಯತಿ ಮರಿದಾಸಹಳ್ಳಿಯಿಂದ ಬಿ.ಹೊಸಹಳ್ಳಿಗೆ ಹೋಗುವ ರಸ್ತೆ ಮತ್ತು ಮರಿದಾಸನಹಳ್ಳಿಯಿಂದ ಕೇವಲ 5 ಕಿಲೋಮೀಟರ್ ಕ್ರಮಿಸಿದರೆ ಆಂಧ್ರಪ್ರದೇಶಕ್ಕೆ ಕೂಡಾ ಈ ರಸ್ತೆ ಸಂಪರ್ಕ ಕಲ್ಪಿಸುತ್ತದೆ ಆದರೆ ಇದು ಮಾನ್ಯ ಹಾಲಿ ಶಾಸಕರಾದ ಎಚ್.ವಿ.ವೆಂಕಟೇಶ ರವರ ತವರು ಪಂಚಾಯತಿ ಆದರೂ ರಸ್ತೆಗಳು ಮಾತ್ರ 15-20 ವರ್ಷಗಳ ಹಿಂದೆ ಹಾಕಿರುವ ರಸ್ತೆಗಳು ಇತ್ತೀಚಿಗೆ ಡಾಂಬರಿಕರಣವಾಗದೆ ಕೆಸರು ಗದ್ದೆಯಂತೆ ಅಗಿವೆ ರಸ್ತೆ ಈ ಸುಸ್ಥಿತಿಯಲ್ಲಿ ಇದ್ದರೂ ಸಹ ಸ್ಥಳೀಯ ಜನಪ್ರತಿನಿಧಿಗಳು ಮತ್ತು ಸ್ಥಳೀಯ ಅಧಿಕಾರಿಗಳು ಗಾಢ ನಿದ್ರೆಗೆ ಜಾರಿದ್ದಾರೆ ಆದರೆ ಪ್ರತಿ ದಿನ ಪ್ರಯಾಣಿಸುವ ಜನಸಾಮಾನ್ಯರು ಮಾತ್ರ ಪ್ರಾಣದ ಹಂಗು ತೊರೆದು ವಿಧಿಯಿಲ್ಲದೆ ಅಧಿಕಾರಿಗಳಿಗೆ ಮತ್ತು ಜನಪ್ರತಿನಿಧಿಗಳಿಗೆ ಹಿಡಿಶಾಪ ಹಾಕುತ್ತಾ ಹೋಗುತ್ತಿದ್ದಾರೆ ಆದ್ದರಿಂದ ಇದಕ್ಕೆ ಸಂಭದಿಸಿದ ಅಧಿಕಾರಿಗಳು ಮತ್ತು ಜನಪ್ರತಿನಿಧಿಗಳು ಎಚ್ಚೆತ್ತು ಈ ರಸ್ತೆಯಲ್ಲಿ ಯಾವುದೆ ಪ್ರಾಣಾಪಾಯ ಆಗದಿರುವ ಮುಂಚೆ ಈ ರಸ್ತೆಗೆ ಮುಕ್ತಿ ಕೊಡಲೆಂದು ಸ್ಥಳೀಯ ನಿವಾಸಿಗಳು ಮತ್ತು ಅಕ್ಕ ಪಕ್ಕದ ಗ್ರಾಮಸ್ಥರು ಕೇಳಿಕೊಳ್ಳುತ್ತಿದ್ದಾರೆ.
ವರದಿ-ಪೃಥ್ವಿರಾಜ್.ಜಿ.ವಿ