ತುಮಕೂರು:ಪಾವಗಡ ತಾಲೂಕಿನ ಕರ್ನಾಟಕ ದಲಿತ ಸಂಘರ್ಷ ಸಮಿತಿಯ ಪಾವಗಡ ಶಾಖೆಯ ಪಾವಗಡ ತಾಲ್ಲೂಕಿನ ಡಿ.ಎಸ್.ಎಸ್ ತಾಲ್ಲೂಕು ಅದ್ಯಕ್ಷರಾದ ನರಸಿಂಹಪ್ಪ ನವರ ಸಮ್ಮುಖದಲ್ಲಿ ಪಾವಗಡ ತಾಲೂಕಿನ ವೈ.ಎನ್.ಹೊಸಕೋಟೆಯ ಇಂಡಿಯನ್ ಗ್ಯಾಸ್ ಏಜೆನ್ಸಿಯಲ್ಲಿ ನಡೆಯುತ್ತಿರುವ ಅಕ್ರಮ ಗ್ಯಾಸ್ ಸಿಲಿಂಡರ್ ಮಾರಾಟದ ಬಗ್ಗೆ ಸೂಕ್ತ ಕ್ರಮ ಜರುಗಿಸಿ ಏಜೆನ್ಸಿ ರದ್ದುಪಡಿಸಲು ಅಗ್ರಹಿಸಿ ಮಾನ್ಯ ತಾಲ್ಲೂಕು ದಂಡಾಧಿಕಾರಿಗಳಾದ ವರದರಾಜು ರವರಿಗೆ ಮನವಿ ಪತ್ರ ನೀಡಲಾಯಿತು.ಮನವಿಯನ್ನು ಸ್ವಿಕರಿಸಿದ ದಂಡಾಧಿಕಾರಿಗಳು ಸೂಕ್ತವಾದ ತನಿಖೆ ನಡೆಸಿ ಅಕ್ರಮ ನಡೆಸಿದ ಏಜೆನ್ಸಿಯ ಮೆಲೆ ಕ್ರಮ ಜರುಗಿಸುವ ಬರವಸೆ ನೀಡಿದರು.ಈ ಸಂದರ್ಭದಲ್ಲಿ ಡಿ.ಎಸ್.ಎಸ್ ತುಮಕೂರು ಜಿಲ್ಲೆಯ ಸಂಘಟನಾ ಸಂಚಾಲಕರಾದ ಡಿ.ನಾರಾಯಣಪ್ಪ ಮತ್ತು ಸಂಘಟನೆಯ ಸದಸ್ಯರಾದ ಭೀಮನಕುಂಟೆ ರಾಮಾಂಜಿನಪ್ಪ,ಟಿ.ಎನ್ ಪೇಟೆ ರಮೇಶ್, ವೈ.ಎನ್.ಹೊಸಕೋಟೆ ಹೋಬಳಿ ಅಧ್ಯಕ್ಷರಾದ ರವಿ ಮತ್ತು ಸದಸ್ಯರಾದ ಒಬಳೇಶ್,ಪಾತಲಿಂಗಪ್ಪ, ಬಿ.ಹೊಸಹಳ್ಳಿ ಮಲ್ಲಿಕಾರ್ಜುನ ಮತ್ತು ತಾಲ್ಲೂಕಿನ ದಲಿತ ಮುಖಂಡರು ಪಾಲ್ಗೊಂಡಿದ್ದರು.
