ಗದಗ:ಶ್ರೀರಾಮ ಜನ್ಮ ಭೂಮಿ ಅಯೋಧ್ಯೆಯಲ್ಲಿ ನಡೆದ ಶ್ರೀರಾಮ ಮಂದಿರ ಉದ್ಘಾಟನಾ ಸಮಾರಂಭ ಮತ್ತು ನೂತನ ಬಾಲ ಶ್ರೀರಾಮ ಮೂರ್ತಿ ಪ್ರಾಣಪ್ರತಿಷ್ಠಾಪನ ಕಾರ್ಯಕ್ರಮದ ಅಂಗವಾಗಿ ಗದಗ ಜಿಲ್ಲೆಯ ನರಗುಂದ ತಾಲೂಕಿನ ಹದಲಿ ಗ್ರಾಮದಲ್ಲಿ ಶ್ರೀರಾಮ ಭಕ್ತರಿಂದ ದೀಪೋತ್ಸವ ಕಾರ್ಯಕ್ರಮ ನೆರವೇರಿತು ಕಾರ್ಯಕ್ರಮದಲ್ಲಿ ಗ್ರಾಮದ ಯುವಕರು, ಹಿರಿಯರು,ಬಾಲಮಕ್ಕಳು ಭಾಗವಹಿಸಿದ್ದರು. ಶ್ರೀರಾಮ ಭಕ್ತಾದಿಗಳೆಲ್ಲರೂ ದೀಪವನ್ನು ಹಿಡಿದುಕೊಂಡು ಗ್ರಾಮದಲ್ಲಿ ರಂಗವಲ್ಲಿ ಹಾಕಿ ಸಿಂಗಾರಗೊಂಡಿದ್ದ ರಾಜಮಾರ್ಗದಲ್ಲಿ ಶೃಂಗಾರಗೊಂಡ ಶ್ರೀರಾಮರ ಭಾವಚಿತ್ರದೊಂದಿಗೆ, ಶ್ರೀರಾಮ,ಲಕ್ಷ್ಮಣ, ಸೀತಾ ಮಾತೆ ಮತ್ತು ಹನುಮಾನನ ವೇಷಭೂಷಣದಿಂದ ತಯಾರಾಗಿದ್ದ ಮಕ್ಕಳು ವಾಹನ ಮೂಲಕವಾಗಿ ಶ್ರೀರಾಮರ ಮತ್ತು ಶ್ರೀ ಹನುಮಾನನ ಘೋಷಣೆಗಳೊಂದಿಗೆ ರಾಜಬೀದಿಗಳಲ್ಲಿ ಸಾಗಿದರು. ಗ್ರಾಮದ ಶ್ರೀ ಹನುಮಾನ ಮಂದಿರದವರೆಗೆ ಶ್ರೀರಾಮರ ಮೆರವಣಿಗೆ ಮುಂದುವರೆದು ಶ್ರೀ ಹನುಮಾನ ಮಂದಿರದಲ್ಲಿ ಮೆರವಣಿಗೆಯನ್ನು ವಿಧಿ ವಿಧಾನಗಳಿಂದ ಕಾರ್ಯಕ್ರಮಕ್ಕೆ ಮಂಗಳಗೊಳಿಸಿದರು.
ವರದಿ-ನಾಗರಾಜ ಪ್ರಚಂಡಿ
