ಕಲಿಕೆಯೊಳಗಿನ ಮೊಳಕೆಯೊಂದು ಪುಳಕದ ಸೆಳೆತಕೆ ಸಿಲುಕಿ
ತಳುಕು ಬಳುಕಿನ ಕೊಳಕು ಮನದ ಕನ್ಯೆಯ ಸೂಕ್ಷ್ಮ ಸನ್ನೆಯೊಂದು ಕ್ಷಮಿಸೆನ್ನುತಿದೆ ಪ್ರತೀ ಕ್ಷಣವಿಂದು| ಮುದುಡಿ ಮಂಕಾದ ಎನ್ಮನದಲಿಂದು….!!
ಯೌವ್ವನದಲಿ ಎಲ್ಲವನೂ ಸಹಿಸಿ ಸಿಹಿ ಬೆಲ್ಲದ ನೆಪದಿ ಗಲ್ಲವನಿಡಿದು ಮೆಲ್ಲಗೆ ಮುಂದೆ ಹೆಜ್ಜೆಯನಿಕ್ಕುತ ಭಯವ ತೊರೆದಾ ಬಯಕೆಯ ಹಂಬಲಕೆ ಹಿಂಬಾಲಕರಿಗಂಜದೆ|
ಹಿಂದಿಂದೆ ಸುಳಿದಾಕ್ಷಣವ ಮೆರೆತು ಕಂಡರೂ ಕಣ್ಮರೆಯಾದಂತಿರುವಿ ನೀನಿಂದು….!!
ಕರ ಬೆರಳನು ಪಿಡಿದು ಕರುಳ ಕಂಬನಿಯ ಮಿಡಿದು
ಸರಳ ಸನಿಹದಲಿ ನೆರಳೆಂದು ಪೇಳಿದ ನೀಳ ನಲ್ಮೆಯ| ನಡೆ ನುಡಿಗಳಿಂದು ನಡೆದು ಹೋಗಿವೆ ಬಹುದೂರ ಬಾರದೂರಿಗೆ ಬರಿದಾದ ಬದುಕಲಿಮಿಂದು….!!
ಅತ್ತ ಇತ್ತ ಎತ್ತ ಸುತ್ತಲೂ ಸುಳಿದರೂ ಕತ್ತಲಾವರಿಸಿದ ಮನಕೆ ಬೆಳಕನಿಕ್ಕಲು ಓರ್ವರಿಲ್ಲದ ಒಂಟಿ ಹೃದಯದ ಒಡೆತನಕೆ| ಕಂಟಕವಾವರಿಸಿದೆಯೆಂದು ಸಂಕಟದಿ ಬೆರೆಯದೆ ಸಂತೋಷದಾ ಸಂಬಂಧವು ಮರಳಿ ಅರಳಿ ದೊರೆಯಲೆಂಬ ಬಯಕೆಯ ಹೊತ್ತಿರುವೆ ನಾನಿಂದು….!!
-ಹನುಮಂತ ದಾಸರ
