ಭದ್ರಾವತಿ:ಪತ್ರಿಕಾ ಕ್ಷೇತ್ರದಲ್ಲಿ 42 ವರ್ಷಗಳ ಸುದೀರ್ಘ ಸೇವೆ ಸಲ್ಲಿಸಿರುವುದನ್ನು ಸ್ಮರಿಸಿ ವಿಜಯ ಕರ್ನಾಟಕ ದಿನಪತ್ರಿಕೆಯ ಭದ್ರಾವತಿ ವರದಿಗಾರ ಎನ್ ಬಾಬು ರವರು ಶಿವಮೊಗ್ಗದ ಮಿಂಚು ಶ್ರೀನಿವಾಸ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
ಮಿಂಚು ಶ್ರೀನಿವಾಸ್ ಪ್ರಶಸ್ತಿಗೆ ಭಾಜನರಾಗಿರುವ ಎನ್.ಬಾಬು ರವರು 26 ವರ್ಷಗಳಿಂದ ನಿರಂತರವಾಗಿ ವಿಜಯ ಕರ್ನಾಟಕ ದಿನಪತ್ರಿಕೆಯ ಭದ್ರಾವತಿ ವರದಿಗಾರರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.ಎನ್.ಬಾಬು ರವರಿಗೆ ಭದ್ರಾವತಿ ತಾಲ್ಲೂಕು ಕಾರ್ಯನಿರತ ಪತ್ರಕರ್ತರ ಸಂಘದ ವತಿಯಿಂದ ಸನ್ಮಾನಿಸಿ ಅಭಿನಂದಿಸಲಾಯಿತು. ಈ ಸಂದರ್ಭದಲ್ಲಿ ತಾಲ್ಲೂಕು ಕಾರ್ಯನಿರತ ಪತ್ರಕರ್ತರ ಸಂಘ ಹಾಗೂ ಪತ್ರಿಕಾ ಭವನ ಟ್ರಸ್ಟ್ ವತಿಯಿಂದ ಟ್ರಸ್ಟ್ ಅಧ್ಯಕ್ಷ ಕಣ್ಣಪ್ಪ ರವರ ಅಧ್ಯಕ್ಷತೆಯಲ್ಲಿ ಸಂಘದ ಪದಾಧಿಕಾರಿಗಳಾದ ಬಸವರಾಜ್,ಕೂಡ್ಲಿಗೆರೆ ಮಂಜುನಾಥ್,ಅನಂತಕುಮಾರ್ ಹಾಗೂ ಹೆಚ್.ಕೆ ಶಿವಶಂಕರ್,ಟಿ ಆನಂದಕುಮಾರ್,ಕೆ ಎನ್ ರವೀಂದ್ರನಾಥ,ಗಂಗಾನಾಯ್ಕ ಗೊಂದಿ,ಶೈಲೇಶ್ ಕೋಠಿ,ಸುಭಾಷ್ ರಾವ್ ಸಿಂಧ್ಯಾ,ಸುಧೀಂದ್ರ, ಸುದರ್ಶನ್,ಮಹಾಲಿಂಗಪ್ಪ ಉಪಸ್ಥಿತರಿದ್ದರು.
