ಬಡವರಿಗಾಗಿ ಹಾಗೂ ವಿಧವಾ ಮಹಿಳೆಯರಿಗಾಗಿ ಕಿಟ್ ವಿತರಿಸಿದ ಜಮೀಯತೆ ಉಲೆಮಾ ಹಿಂದ್

ರಬಕವಿ-ಬನಹಟ್ಟಿ:ಬಾಗಲಕೋಟೆ ಜಿಲ್ಲೆಯ ರಬಕವಿ ಬನಹಟ್ಟಿ ತಾಲೂಕಿನ ರಬಕವಿ ನಗರದ ಅಂಜುಮನೆ ಇಸ್ಲಾಂ ಶಾದಿ ಮಹಲಿನಲ್ಲಿ ಪ್ರತಿ ವರ್ಷದಂತೆ ಈ ವರ್ಷವೂ ಕೂಡಾ ಜಮ್ಯತೆ ಉಲೇಮ ಹಿಂದ ರಬಕವಿ ಬನಹಟ್ಟಿ ಇವರ ಆಶ್ರಯದಲ್ಲಿ ಬಡವರಿಗಾಗಿ ಹಾಗೂ ವಿಧವೆ ಮಹಿಳೆಯರಿಗೆ ರಂಜಾನ್ ಹಬ್ಬದ ಪ್ರಯುಕ್ತ ಸೂರ್ ಕುರ್ಮಾ ಆಹಾರದ ರೇಷನ್ ಕಿಟ್ಟುಗಳನ್ನು ವಿತರಿಸಿದರು.
ಈ ರಂಜಾನ್ ಹಬ್ಬದ ಆಹಾರದ ರೇಷನ್ ಕಿಟ್ ಗಳನ್ನು ರಬಕವಿ ಬನಹಟ್ಟಿ ತಾಲೂಕಿನ ನೆರೆಯ ಚಿಮ್ಮಡ,ನವಲಗಿ,ಆಸಂಗಿ,ಕೊಲ್ಲೋಳಿ,ರಬಕವಿ ಬನಹಟ್ಟಿ ರಾಂಪುರ್ ಹೊಸೂರು ಸೇರಿದಂತೆ ಬಡವರು ಹಾಗೂ ವಿಧವೆ ಮಹಿಳೆಯರನ್ನು ಗುರುತಿಸಿ ಒಟ್ಟು 450ಕ್ಕಿಂತ ಹೆಚ್ಚು ಕಿಟ್ ಗಳನ್ನು ವಿತರಣೆ ಮಾಡಿದರು.

ಈ ಸಂದರ್ಭದಲ್ಲಿ ರಬಕವಿ ಬನಹಟ್ಟಿ ನಗರಸಭೆಯ ಮಾಜಿ ಅಧ್ಯಕ್ಷ ಉಸ್ಮಾನ್ ಸಾಬ್ ಲೇಂಗರೇ,ರಬಕವಿ ನಗರ ಅಂಜುಮನ್ ಕಮಿಟಿ ಅಧ್ಯಕ್ಷ ಇಕ್ಬಾಲ್ ಲಿಂಗರೇ ಹಾಗೂ ನಗರಸಭೆ ಸದಸ್ಯ ಯುನುಸ್ ಚೌಗಲ ಝಮೀಯತೆ ಉಲೆಮಾ ಹಿಂದ್ ಅಧ್ಯಕ್ಷರು ಹಾಫಿಜ್ ಉಲೇಮಾಗಳು,ಅಧ್ಯಕ್ಷರು ಹಾಗೂ ಪದಾಧಿಕಾರಿಗಳು ಉಪಸ್ಥಿತರಿದ್ದರು.

ವರದಿ:ಮಹಿಬೂಬ್ ಎಂ ಬಾರಿಗಡ್ಡಿ