ಬೆಂಗಳೂರು:ವರದಪುರದ ಮಹಾಯೋಗಿ ಭಗವಾನ್ ಶ್ರೀ ಶ್ರೀಧರ ಸ್ವಾಮಿಗಳ ಪಾದುಕಾ ಮಂದಿರ ವಸಂತಪುರ ಬೆಂಗಳೂರು ಇಲ್ಲಿ ಆಷಾಢ ಮಾಸದ ಶುಕ್ಲಪಕ್ಷ ಪೌರ್ಣಿಮೆ ದಿನಾಂಕ 21 ನೇ ಜುಲೈ 2024 ರಂದು ಗುರು ಪೌರ್ಣಿಮೆ ಕಾರ್ಯಕ್ರಮ ನಡೆಯಲಿದ್ದು ಮಹಾ ಪ್ರಸಾದ ವಿತರಣೆಯು ಮಧ್ಯಾಹ್ನ ಒಂದು ಗಂಟೆಯಿಂದ ಆರಂಭವಾಗುವುದು ಎಂದು ಪ್ರಕಟಣೆ ತಿಳಿಸಿದೆ.
ಶ್ರೀ ಶ್ರೀಧರ ಗುರುಗಳ ದಿವ್ಯ ಪಾದುಕೆಗಳಿಗೆ ತ್ರಿಕಾಲದಲ್ಲಿ ಫಲ ಪಂಚಾಮೃತ ಸಹಿತ ರುದ್ರಾಭಿಷೇಕ, ಪುರುಷ ಸೂಕ್ತ, ಶ್ರೀ ಸೂಕ್ತ, ಗಣಪತಿ ಅಥರ್ವ ಶೀರ್ಷ ಮತ್ತು ಸಹಸ್ರನಾಮ ತುಳಸಿ ಅರ್ಚನೆ ಸೇವೆಗಳು ಅನುದಿನವೂ ನಡೆಯುತ್ತಿದ್ದು ವಿಶೇಷವಾದ ದಿನಗಳಂದು ಗುರುಗಳ ದಿವ್ಯ ಪಾದುಕೆಗಳಿಗೆ ಆಧ್ಯಾತ್ಮಿಕ ಪೂಜೆಗೆ ವಿಶೇಷವಾಗಿ ಮಹಾನ್ಯಾಸ ಪೂರ್ವಕ ಏಕಾದಶ ರುದ್ರಾಭಿಷೇಕ ಸೇವೆಗಳು ನಡೆಯುತ್ತಿರುವುದರಿಂದ ಶ್ರೀ ಗುರು ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ಗುರುಸೇವೆಯಲ್ಲಿ ಭಾಗವಹಿಸಿ ಶ್ರೀ ಗುರುಗಳ ಕೃಪೆಗೆ ಪಾತ್ರರಾಗಿದ್ದಾರೆ ಆಶ್ರಮದ ವಕ್ತಾರರು ವಿನಂತಿಸಿದ್ದಾರೆ.
ವರದಿ: ಕೊಡಕ್ಕಲ್ ಶಿವಪ್ರಸಾದ್,ಶಿವಮೊಗ್ಗ
