ಕೊಪ್ಪಳ ಲೋಕಸಭಾ ಸಂಸದರಾದ ಶ್ರೀ ರಾಜಶೇಖರ್ ಹಿಟ್ನಾಳ್, ಕೊಪ್ಪಳ ಉಸ್ತುವಾರಿ ಸಚಿವರಾದ ಸನ್ಮಾನ ಶ್ರೀ ಶಿವರಾಜ್ ತಂಗಡಗಿ ರವರು ರಾತ್ರಿ 1 ಗಂಟೆಯವರೆಗೆ ತುಂಗಭದ್ರಾ ಡ್ಯಾoನ ಅಧಿಕಾರಿಗಳೊಂದಿಗೆ ನೀರು ಪೋಲಾಗದಂತೆ ಆದಷ್ಟು ಬೇಗ ಗೇಟ್ ತಯಾರಿಸಲು ಚರ್ಚಿಸಿದರು.
ಈಗಾಗಲೇ ಹೈದರಾಬಾದಿನ ಗೇಟ್ ತಜ್ಞರಾದ ಕನ್ನಯ್ಯ ನಾಯ್ಡುರವರಿಂದ ಗೇಟ್ ವಿನ್ಯಾಸದ ಮಾಹಿತಿ ಪಡೆಯಲಾಗಿದೆ.ಜೊತೆಗೆ ಹೊಸಪೇಟೆಯ ಹಿಂದುಸ್ತಾನ್ ಇಂಜಿನಿಯರಿಂಗ್, ನಾರಾಯಣ್ ಇಂಜಿನಿಯರಿಂಗ್ ಕಂಪನಿಗಳು ಗೇಟ್ ಸಿದ್ಧಪಡಿಸುವ ಕಾರ್ಯ ಆರಂಭಿಸಿದ್ದಾರೆ.ಇದರ ಜೊತೆಗೆ ಪರ್ಯಾಯವಾಗಿ ಜಿಂದಾಲ್ JSW ಗೇಟ್ ತಜ್ಞರು ಹಾಗೂ ಇಂಜಿನಿಯರ್ ಗಳ ತಂಡವನ್ನು ಕೊಪ್ಪಳ ಸಂಸದರು, ಕೊಪ್ಪಳ ಉಸ್ತುವಾರಿ ಸಚಿವರು ತಡರಾತ್ರಿ ಡ್ಯಾಮ್ ಗೆ ಕರೆಸಿಕೊಂಡು ಗೇಟ್ ನಿರ್ಮಿಸಲು ಚರ್ಚಿಸಿದರು.
ಈ ಸಂದರ್ಭದಲ್ಲಿ ಕೊಪ್ಪಳ ಜಿಲ್ಲಾಧಿಕಾರಿ ಶ್ರೀ ನಲೀನ್ ಅತುಲ್ ರವರು, ಕೊಪ್ಪಳ ತಹಸೀಲ್ದಾರರು ಹಾಜರಿದ್ದರು.
ವರದಿ: ಬಸವರಾಜ ಕೆ ಕಳಸಪ್ಪನವರ
