“ಶ್ರೀ ಗುರುನಾಥ ಜಕ್ಕಪ್ಪ ಹಾವಳಗಿ ಹಾಗೂ ಶ್ರೀ ವಿಠ್ಠಲ ಗೌಡ ಪಾಟೀಲ್”
ವಿಜಯಪುರ ಜಿಲ್ಲೆಯ ಇಂಡಿ ತಾಲೂಕಿನ ಅಗರಖೇಡ ಜಿಲ್ಲಾ ಪಂಚಾಯಿತಿ ಕ್ಷೇತ್ರಕ್ಕೆ ಕಾಂಗ್ರೆಸ್ ಪಕ್ಷದಿಂದ ಅಖಾಡಕ್ಕೆ ಇಳಿಯಲು ಸಜ್ಜಾಗಿರುವ ಘಟಾನುಘಟಿಗಳು ಹಾಗೂ ಜನಪರ ಸೇವಕರು ಶ್ರೀ ಗುರುನಾಥ ಜಕ್ಕಪ್ಪ ಹಾವಳಗಿ ಹಾಗೂ ಶ್ರೀ ವಿಠ್ಠಲಗೌಡ ಕ ಪಾಟೀಲ್ ಇವರಿಬ್ಬರೂ ಟಿಕೆಟ್ ಆಕಾಂಕ್ಷಿಗಳಾಗಿದ್ದು,ಅದೃಷ್ಟ ಯಾರ ಮುಡಿಗೆ ಏರುವುದು ಕಾದುನೋಡಬೇಕಾಗಿದೆ.
ಇವರಿಬ್ಬರ ಹಿನ್ನೆಲೆಯನ್ನು ನೋಡಬೇಕಾದರೆ ಶ್ರೀ ಗುರುನಾಥ್ ಜಕ್ಕಪ್ಪ ಹಾವಳಗಿ ಇವರು ಮೂರು ಬಾರಿ ಅಗರಖೇಡ ಗ್ರಾಮ ಪಂಚಾಯತಿಯ ಸದಸ್ಯರಾಗಿ ಹಾಗೂ ಸತತ ಐದು ಬಾರಿ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ಸದಸ್ಯರಾಗಿ ಹಾಗೂ ಹಾಲಿ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ಸದಸ್ಯರಾಗಿದ್ದಾರೆ. ಇವರು ಜಾತಿ ಭೇದವೆನ್ನದೆ ಸಮಾಜ ಪರವಾಗಿ ಕೆಲಸವನ್ನು ನಿರ್ವಹಿಸುತ್ತಾ ಬಂದಿದ್ದಾರೆ.
ಶ್ರೀ ವಿಠ್ಠಲ್ ಗೌಡ ಕ ಪಾಟೀಲ್ ಇವರು ಅಗರಖೇಡ ಗ್ರಾಮ ಪಂಚಾಯಿತಿಯ ಅಧ್ಯಕ್ಷರಾಗಿ ಐದು ವರ್ಷ ಕಾರ್ಯನಿರ್ವಹಿಸಿದ ಅನುಭವ ಇವರಿಗಿದೆ ಹಾಗೂ ಹಾಲಿ ಅಗರಖೇಡ ಗ್ರಾಮ ಪಂಚಾಯಿತಿ ಸದಸ್ಯರಾಗಿದ್ದಾರೆ. ಇವರು ಕೂಡಾ ಯಾವುದೇ ಜಾತಿ ಭೇದವನ್ನು ಮಾಡದೆ ಸಮಾಜದಲ್ಲಿ ಜನಪರವಾದ ಕೆಲಸವನ್ನು ನಿರ್ವಹಿಸುತ್ತಿದ್ದಾರೆ.
ಆದರೆ ಇನ್ನೂ ಅಗರಖೇಡ ಜಿಲ್ಲಾ ಪಂಚಾಯಿತಿಗೆ ಮೀಸಲು ಪ್ರಕಟವಾಗಿಲ್ಲ,ಆದರೆ ಜನರಲ್ಲಿ ಇವರಿಬ್ಬರ ನಡುವೆ ಯಾರು ಸ್ಪರ್ಧೆ ಮಾಡುವರು ಎಂಬ ಕುತೂಹಲ ಹೆಚ್ಚಾಗಿದೆ. ಇವರಿಬ್ಬರೂ ಬಡವರ ಪರ ಹಾಗೂ ಸಾಮಾಜಿಕ ಕಳಕಳಿ ಉಳ್ಳವರು,ಆದರೆ ಅಗರಖೇಡ ಜಿಲ್ಲಾ ಪಂಚಾಯತಿ ಕ್ಷೇತ್ರದ ಟಿಕೆಟ್ ಯಾರಿಗೆ ಒಲಿಯುವುದೆಂದು ಇವರಿಬ್ಬರ ಅಭಿಮಾನಿಗಳು ಹಾಗೂ ಜನರು ಮಾತನಾಡಿಕೊಳ್ಳುತ್ತಿದ್ದಾರೆ.
ವರದಿ-ಮನೋಜ್ ನಿಂಬಾಳ
