ಅಣ್ಣ ಅಣ್ಣ ಸೂರ್ಯಣ್ಣ
ನೀನೇ ಜಗಕ್ಕೆ ಬೆಳಕಣ್ಣ
ಪ್ರಕೃತಿ ಮಡಿಲಿಗೆ ನೀನೇ ಆಧಾರವಣ್ಣ
ಚಂದ್ರನಿಗೆ ನಿನ್ನ ಪ್ರಕಾಶ ಬೇಕಣ್ಣ.!!೧!!
ಚಿಲಿಪಿಲಿ ಹಕ್ಕಿಯು, ಕೋಗಿಲೆ ಹಾಡಿ.
ಸ್ವಾಗತಿಸಿದವು ನಿನ್ನ ಬರುವಿಕೆಗಾಗಿ
ಅಮ್ಮನು ಆಗಲೇ ನಿನ್ನ ನೋಡಿ
ಮನೆಯ ಕೆಲಸವ ಶುರು ಮಾಡಿದಳು.!!೨!!
ಮಳೆಗೆ ಚಳಿಗೆ ನಡುಗುವ ಜನರು
ಆಗ ನಿನ್ನ ನೆನಪಿಸಿಕೊಳ್ಳುವರು
ಬೇಸಿಗೆಯಲ್ಲಿ ನಿನ್ನನ್ನು ಬೈಯುವರು
ಶಿವರಾತ್ರಿ ಯಂತೆ ಜಾಗರಣೆ ಮಾಡುವರು.!!೩!!
ಸಮಯವು ನಿನ್ನ ಕೈಯಲ್ಲಿದೆಯಂತೆ
ಜನರಿಗೆ ಇಲ್ಲ ಅದರ ಚಿಂತೆ
ಗಡಿಯಾರಕ್ಕೆ ನೀನೇ ದಾರಿ ತೋರಿದೆಯಂತೆ
ಕೊನೆಗೆ ನೀನೆ ಎಲ್ಲರಿಗೂ ಗತಿಯಂತೆ.!!೪!!
-ಚಂದ್ರಶೇಖರಚಾರಿ ಎಂ (ಶಿಕ್ಷಕರು)
ವಿಶ್ವಮಾನವ ಪ್ರೌಢಶಾಲೆ ಸೀಬಾರ ಗುತ್ತಿ ನಾಡು ಚಿತ್ರದುರ್ಗ 577502
