ತುಮಕೂರು ಜಿಲ್ಲೆಯ ಪಾವಗಡ ತಾಲೂಕಿನ ನಿಡಗಲ್ ಹೋಬಳಿಯ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘ ನಿಯಮಿತ ಕೆ.ಟಿ.ಹಳ್ಳಿಯ ಸರ್ವ ಸದಸ್ಯರ ಸಭೆ ನೂತನ ಗೋದಮು ಉದ್ಘಾಟನೆಯನ್ನು ಮಾಜಿ ಶಾಸಕ ಕೆ.ಎಂ. ತಿಮ್ಮರಾಯಪ್ಪ ಉದ್ಘಾಟನೆಯನ್ನು ನೆರವೇರಿಸಿ ಮಾತನಾಡಿ ಸಹಕಾರ ಸಂಘಗಳ ಅಭಿವೃದ್ಧಿಯಾಗಬೇಕಾದರೆ ಎಲ್ಲಾ ಸದಸ್ಯರು ಸಕಾಲದಲ್ಲಿ ಸಾಲ ಮರುಪಾವತಿ ಮಾಡಿ ಸಂಘದ ಅಭಿವೃದ್ಧಿಗೆ ಸಹಕಾರಿಗಳಾಗಬೇಕು ಎಂದು ತಿಳಿಸಿದರು.
ಸಂಘದ ಸಂಸ್ಥಾಪಕ ಅಧ್ಯಕ್ಷ ರಂಗೇಗೌಡ ಅವರು ಮಾತನಾಡಿ ಹಿರಿಯ ಸಹಕಾರಿಗಳ ಮಾರ್ಗದರ್ಶನ ಸಲಹೆ ಪಡೆದು ಸಹಕಾರಿ ಸಂಘ ಅಭಿವೃದ್ಧಿ ಮಾಡಿ ಕೆ.ಟಿ.ಹಳ್ಳಿ ವ್ಯವಸಾಯ ಸೇವಾ ಸಹಕಾರ ಸಂಘ ತಾಲೂಕಿನಲ್ಲಿ ಉತ್ತಮ ಹೆಸರು ಪಡೆಯಲಿ ಎಂದು ತಿಳಿಸಿದರು.
ಕಾರ್ಯಕ್ರಮದಲ್ಲಿ ವಿ.ಎಸ್.ಎಸ್.ಎನ್. ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿ ನಾಗರಾಜ್ ರವರ ಮಾತನಾಡಿ ಸಹಕಾರಿ ಸಂಘವು 2023/ 24 ನೇ ಸಾಲಿನಲ್ಲಿ 898165 ಲಕ್ಷ ರೂಪಾಯಿಗಳನ್ನು ಲಾಭ ಗಳಿಸಿದ್ದು. ಸಂಘವು ಉತ್ತಮ ರೀತಿಯಲ್ಲಿ ನಡೆದುಕೊಂಡು ಹೋಗುತ್ತಿರುವುದು ಬಗ್ಗೆ ಹಾಗೂ ಸಂಘದ ಒಂದು ವರ್ಷದ ವಹಿವಾಟುವಿನ ಬಗ್ಗೆ ಸಭೆಯಲ್ಲಿ ವರದಿಯನ್ನು ಮಂಡಿಸಿದರು.
ಕಾರ್ಯಕ್ರಮದಲ್ಲಿ ಸಹಕಾರಿ ಡಿಸಿಸಿ ಬ್ಯಾಂಕ್ ಮೇಲ್ವಿಚಾರಕರಾದ ನಾಗೇಂದ್ರ. ಡಿಸಿಸಿ ಬ್ಯಾಂಕ್ ಮ್ಯಾನೇಜರ್ ರಾಘವೇಂದ್ರ. ಸಂಘದ ಅಧ್ಯಕ್ಷ ಎಂ ನಾಗರಾಜು. ಉಪಾಧ್ಯಕ್ಷ ದಾಸಪ್ಪ. ತಿಪ್ಪೆ ಲಿಂಗಪ್ಪ. ನಿಜಲಿಂಗಪ್ಪ. ಡಿ ದಾಸಣ್ಣ. ಚಂದ್ರಣ್ಣ. ಅನಂತಯ್ಯ ಪಾಳೇಗಾರ್ ಲೋಕೇಶ್. ಭಾಸ್ಕರ್ ನಾಯಕ ಮುಂತಾದವರು ಭಾಗವಹಿಸಿದ್ದರು.
ವರದಿ:ಕೆ. ಮಾರುತಿ ಮುರಳಿ
