ಕೊಪ್ಪಳ:ನೀವು ಕೆ.ಎಸ್.ಆರ್.ಟಿ.ಸಿ ಬಸ್ ಗಳನ್ನು ನೋಡಿರುತ್ತೀರಿ.
ಈ ಬಸ್ ಸಹ ದೂರದಿಂದ ನಿಮಗೆ ಹಾಗೇ ಕಾಣುವದು ಆದರೆ ಇದು ಕೊಪ್ಪಳ ರೆಡ್ ಕ್ರಾಸ್ ಘಟಕದ ಬಸ್.ಕೊಪ್ಪಳ ರೆಡ್ ಕ್ರಾಸ್ ಘಟಕ ರಾಜ್ಯದಲ್ಲಿಯೇ ೫-೬ ವರ್ಷಗಳಿಂದ ಹೆಚ್ಚಿನ ರಕ್ತ ಸಂಗ್ರಹಣೆ(ಪ್ರತಿವರ್ಷ ೯ಸಾವಿರ- ೧೦ ಸಾವಿರ ಯುನಿಟ್)ಮಾಡಿದ್ದಕ್ಕೆ ಮಾನ್ಯ ರಾಜ್ಯಪಾಲರ ಪ್ರಶಸ್ತಿಗೆ ಪಾತ್ರವಾಗುತ್ತಾ ಬಂದಿದೆ. ಉತ್ತಮ ಸೇವೆ ಸಲ್ಲಿಸುತ್ತಿರುವದನ್ನು ಪರಿಗಣಿಸಿ ಕೇಂದ್ರ ಸರ್ಕಾರವು ಈ ಬಸ್ ನೀಡಿದೆ.ಇದರಲ್ಲಿ ೬ ಜನ ಏಕಕಾಲಕ್ಕೆ ರಕ್ತದಾನ ಮಾಡಲು ಅನುಕೂಲಕರ ಬೆಡ್,ಅಗತ್ಯ ವೈದ್ಯಕೀಯ ಸಾಮಗ್ರಿಯೊಂದಿಗೆ ಸುಸಜ್ಜಿತವಾಗಿದೆ ಮತ್ತು ಹವಾನಿಯಂತ್ರಿತ (ಎ.ಸಿ) ಸೌಲಭ್ಯ ಹೊಂದಿದೆ ಇದರ ಅಂದಾಜು ಮೌಲ್ಯ ೮೦ ಲಕ್ಷ ರೂ.
ದೊಡ್ಡ ಪ್ರಮಾಣದ ರಕ್ತದಾನ ಶಿಬಿರಗಳನ್ನು ಆಯೋಜಿಸಿದಾಗ ಈ ವಾಹನ ಬಳಸಲಾಗುವದು.
ಇಡೀ ಕರ್ನಾಟಕದಲ್ಲಿ ಈ ತರದ ಬಸ್ ಸೌಲಭ್ಯ ಇರುವದು ಕೊಪ್ಪಳ ಮತ್ತು ಬೆಂಗಳೂರು ಜಿಲ್ಲೆಗೆ ಮಾತ್ರ ಎನ್ನುವುದು ವಿಶೇಷ.
