ಬದಲಾವಣೆಗಾಗಿ

ದುಡಿಯಬೇಕು ದೇಶದ ಬದಲಾವಣೆಗಾಗಿ
ದಂಗೆಗಳು ಒಳಿತಲ್ಲ ದೇಶಕ್ಕಾಗಿ
ಕಾನೂನು ನ್ಯಾಯದೇವತೆ ತಿದ್ದುವುದಕ್ಕಾಗಿ
ಮತವೊಂದೇ ಸಾಕು ಬಯಸಿದ ಆಡಳಿತಕ್ಕಾಗಿ

ಸೋಮಾರಿಗಳನು ಎಚ್ಚರಿಸಿ ದುಡಿಮೆಗಾಗಿ
ದುಡಿಯದವರನು ಖಂಡಿಸಿ ಕಾರ್ಯಕ್ಷಮತೆಗಾಗಿ
ಬೆವರು ಸುರಿಸುವವರಿಗೆ ಬೆಂಬಲವಾಗಿ
ಕಂಕಣ ಬದ್ಧರಾಗಬೇಕು ಪರಿವರ್ತನೆಗಾಗಿ

ದುಡ್ಡು ವ್ಯಯಿಸದೆ ಅಜ್ಞಾನಿಗಳಾಗಿ
ಬಳಸಬೇಕು ಎಚ್ಚರದಿಂದ ಸಮರ್ಪಕವಾಗಿ
ನಿಲ್ಲದೆ ಸೋಮಾರಿಗಳ ಪರವಾಗಿ
ಶ್ರಮಿಕರನ್ನೇ ಬೆಳೆಸಬೇಕು ಅಭಿವೃದ್ಧಿಗಾಗಿ

ಅನ್ನ ಹಾಲಿನ ಉತ್ಪಾದನೆಗಾಗಿ
ಹಗಲಿರುಳು ಬೆವರಿಳಿಸಿ ಹಸಿರಿಗಾಗಿ
ಜೀವದಾನ ಮಾಡುವ ರೈತರಿಗಾಗಿ
ನಿಲ್ಲಬೇಕು ನಷ್ಟಭರಿಸಲು ಸಿದ್ಧರಾಗಿ

ಹಚ್ಚಿದ ಬೆಂಕಿಯ ಹಿಂಸೆಯಿಂದಾಗಿ
ಸುಡುವುದು ಆರ್ಥಿಕತೆ ಭಸ್ಮವಾಗಿ
ದುಡಿಮೆಯೊಂದೇ ಅಸ್ತ್ರ ಬದಲಾವಣೆಗಾಗಿ
ದುಡಿಯಲೇಬೇಕು ಸರ್ವರೂ ದೇಶದೇಳ್ಗೆಗಾಗಿ

• ಕಲ್ಲಪ್ಪ ಕವಳಕೇರಿ, ಮಂಗಳೂರು
  (ಕೊಪ್ಪಳ ಜಿಲ್ಲೆ )