ಅಚ್ಚ ಕನ್ನಡದ ನಿರೂಪಕಿ
ಕರುನಾಡು ಮೆಚ್ಚಿದ ಸೇವಕಿ
ಗಿನ್ನಿಸ್ ದಾಖಲೆಯ ಸಾಧಕಿ
ಮಸಣದ ಹೂ ಚಿತ್ರ ನಾಯಕಿ.
ಕಲೆಯಲ್ಲಿ ಅರಳಿದೆ ವಾಕ್ ಚಾತುರ್ಯ
ಮಾತಿನ ಮೋಡಿ ಗಂಧ ಮಾಧುರ್ಯ
ಕೋಗಿಲೆಗೂ ಮಿಗಿಲಾದ ಕಂಠ ಧ್ವನಿ
ಭಾಷಾ ಶೈಲಿಯ ಹಿಡಿತದ ಕನಕ ಗಣಿ.
ಚಿಕ್ಕಮಗಳೂರಿನ ನಟಿ ಚಿಕ್ಕಮಲ್ಲಿಗೆ
ಹೊರಟು ಬಿಟ್ಟೆಯಾ ಮಸಣದೆಡೆಗೆ
ಕೀರ್ತಿ ತಂದು ಹೋದಿರಿ ಕರುನಾಡಿಗೆ
ನಿಮ್ಮ ಪಯಣ ಸಾಗಲಿ ಸ್ವರ್ಗದೆಡೆಗೆ.
ನಗು ಮೊಗದ ಕಲಾ ಶಾರದೆ ಅಪರ್ಣಾ
ಕನ್ನಡಾಂಬೆಯ ಮಡಿಲಿನ ಸ್ವಚ್ಛ ಸ್ವರ್ಣ
ಕಲೆಗೆ ಅರ್ಪಿಸಿದಿರಿ ಬಾಳನ್ನು ಸಂಪೂರ್ಣ
ನಿಮಗಿದೋ ನಮ್ಮ ನಮನ ಭಾವಪೂರ್ಣ.
-ಬ್ಯಾಡನೂರು ವೀರಭದ್ರಪ್ಪ ಶಿವಶರಣ,ಎಸ್. ಪಾವಗಡ ತಾಲ್ಲೂಕು.
