ಬಳ್ಳಾರಿ / ಕಂಪ್ಲಿ : ಪಟ್ಟಣ ಸೇರಿದಂತೆ ತಾಲೂಕಿನಲ್ಲಿ ಯುಗಾದಿ ಹಬ್ಬದ ಮರುದಿನವಾದ ಶುಕ್ರವಾರದಂದು ಬಣ್ಣ ಬಣ್ಣ ಹೋಕಳಿಯೊಂದಿಗೆ ಮಕ್ಕಳು, ಯುವಕರು ಸಂಭ್ರಮಿಸಿದರು.
ಇಲ್ಲಿನ ಪಟ್ಟಣದ ಗ್ರಾಮ ದೇವತೆ ಮಾರೆಮ್ಮ ದೇವಸ್ಥಾನ ಬಳಿಯಲ್ಲಿರುವ ಕೊರವರ ಓಣಿಯಲ್ಲಿ ಹೆಣ್ಮಕ್ಕಳು ರಂಗು ರಂಗಿನ ಬಣ್ಣದೋಕುಳಿಯಲ್ಲಿ ಮಿಂದೆದ್ದರು.
ಅಕ್ಕಪಕ್ಕದಲ್ಲಿ ಮಕ್ಕಳು ಜೊತೆಗೆ ವಿವಿಧ ತರನಾದ ಬಣ್ಣವನ್ನು ಪರಸ್ಪರ ಹಚ್ಚಿಕೊಂಡು ಸಂಭ್ರಮದಲ್ಲಿ ತೇಲಾಡಿದರು.
ಹೊಸ ಚಿಗುರು ಎಂಬಂತೆ ಯುಗಾದಿ ಹಬ್ಬವನ್ನು ಇಂದಿನಿಂದ ವರ್ಷದಂತೆ ಆಚರಣೆಯೊಂದಿಗೆ ಮರು ದಿನದಲ್ಲಿ ಬಣ್ಣದಾಟವಾಡುತ್ತಾ ಬಂದಿರುವುದು ಕಂಡು ಬಂತು.
ಪಟ್ಟಣದ ಗಲ್ಲಿ ಗಲ್ಲಿಗಳಲ್ಲಿಯೂ ಹಾಗೂ ಗ್ರಾಮೀಣ ಭಾಗದಲ್ಲಿ ಬಣ್ಣ ಬಣ್ಣದ ಸೊಗಡು ಕಾಣಿಸಿಕೊಂಡಿತು. ಬಣ್ಣದ ಹೋಕುಳಿ ನಂತರ ಪಕ್ಕದ ನದಿ, ಕಾಲುವೆಗಳಿಗೆ ತೆರಳಿ, ಸ್ನಾನ ಮಾಡಿದರು.
ವರದಿ : ಜಿಲಾನಸಾಬ್ ಬಡಿಗೇರ್
