ದೂರದ ಕಾರ್ಗತ್ತಲ ಕಪ್ಪು ನೆಲದ ಕರಿಯರ ಆಕ್ರಂದನಕೆ ಕರಗಿ ಅವರ ಕನಸ ನನಸಾಗಿಸಿದ ದಿಟ ಛಲದಂಕ ಮಲ್ಲ ನೀನೂ…
ನೂರಾರು ವರುಷಗಳಿಂದ ಪರಂಗಿಗಳ
ಪಂಜರದಲ್ಲಿ ಸಿಲುಕಿದ ಭಾರತ ಮಾತೆಯ,
ಬಂಧಮುಕ್ತಗೊಳಿಸಲು ಬೀದಿಗಿಳಿದ
ದಿಟ ಬಂಧು ನೀನು.
ಬಂದೂಕು, ತುಪಾಕಿ ಇಲ್ಲದೆ ಸಮರದಲಿ,
ಸತ್ಯ-ಅಹಿಂಸೆಯೆಂಬ ಅಂಗಡಿಯಲಿ ಆಯುಧವಾಗಿ ಅಹಂಕಾರದ ಕೋಟೆ ಕಡಿದು ಜಗಕೆ ಶಾಂತಿ ತೋರಿದ ಧೂತ ನೀನು..
ಬರಿಗೈಯ ಅರೆಬೆತ್ತಲೆಯ ಫಕೀರಿ ನೀ ಸಾಗಿತೆಂದರೆ
ಜನಸಾಗರದ ದಂಡೆ ದಂಡು…
ಸತ್ಯದ ಹಾದಿಯಲಿ ನಡೆದ ಆ ಹೆಜ್ಜೆಗೆ ಜಗವೇ ತೆಯ್ವುದು ಮುಂಡು!
ಬರಿಗಾಲ ಹಾದಿಯಲ್ಲಿ ಬೆಳಕಿನ ಬಾವುಟವೆತ್ತಿ,
ತನಗೇನೂ ಬಯಸದ ಸದ್ಗುಣ ಸತ್ಯದ ಪಯಣಿಗನಿಗೆ
ಸೇವೆಯೊಂದೇ ಉಸಿರು…
ಭರತಮಾತೆಯ
ಮುಕುಟ ಮಣಿ ಕರಮಚಂದನೇ ನಿನಗ್ಯಾಕೆ ಇಂದೂ ಸಲ್ಲದ ಬಿಗುಮಾನ…
ಯುಗ ಯುಗಗಳೇ ಕಳೆದರೂ ಸತ್ವ ನಮನ ನಿನಗೆ ! ಆದರೂ
ನಿನ್ನ ರಕ್ತ ಹೀರಿದ ಗೋಡ್ಸೆಗಿಂದು ಸನ್ಮಾನ,
ಇಂದಿನ ನಾಟಕದ ಜಗದಲಿ,ತತ್ವಗಳನ್ನು ಕಾಲಡಿಗೆ ನೂಕೀ ಅಧಿಕಾರದ ತೆವಲಿಗೆ ಮಾತ್ರ ಬಳಕೆಯಾದೆ
ನೀನು…
ಇಂದು ಕೇವಲ ನೋಟಿಗೆ ಸೀಮಿತವಾಗಿ ಮರೆಯಾಗುತಿರುವ
ಮಹಾತ್ಮನೇ ನಿನಗೆ ಶರಣು…..
- ಡಾ.ಸುರೇಶ್.ಎಸ್. ವಡಗಲಪುರ.
