ಸೊರಬ:ಸೊರಬ ತಾಲ್ಲೂಕು ದೈವಜ್ಞ ಬ್ರಾಹ್ಮಣ ಸಮಾಜ ಹಾಗೂ ಶ್ರೀ ಸತ್ಯನಾರಾಯಣಸ್ವಾಮಿ ಸೇವಾ ಸಮಿತಿ ವತಿಯಿಂದ ಪಟ್ಟಣದ ಚಿಕ್ಕಪೇಟೆಯಲ್ಲಿರುವ ಶ್ರೀ ಸತ್ಯನಾರಾಯಣ ಸ್ವಾಮಿ ದೇವಸ್ಥಾನದ 43ನೇ ವಾರ್ಷಿಕೋತ್ಸವ ಗುರುವಾರ ಜರುಗಿತು.
ವಾರ್ಷಿಕೋತ್ಸವದ ಅಂಗವಾಗಿ ಬೆಳಿಗ್ಗೆ ಮಹಾಗಣಪತಿ ಪೂಜೆ,ಪುಣ್ಯಾಹ,ಪಂಚಗವ್ಯ ಹವನ ಕಲಾವೃದ್ಧಿಹವನ, ಪಂಚಾಮೃತ ಅಭಿಷೇಕ,ಅಷ್ಟೋತ್ತರ ತುಳಸಿ ಅರ್ಚನೆ ಹಾಗೂ ಸತ್ಯನಾರಾಯಣ ಸ್ವಾಮಿಯ ವೃತಪೂಜೆ ನಡೆಯಿತು ನಂತರ ಪಟ್ಟಣದ ಮುಖ್ಯ ಬೀದಿಯಲ್ಲಿ ಚಂಡೆ ವಾದನದೊಂದಿಗೆ ಶ್ರೀ ಸತ್ಯನಾರಾಯಣ ಸ್ವಾಮಿಯ ಪಲ್ಲಕ್ಕಿ ಉತ್ಸವದ ಮೆರವಣಿಗೆ ನಡೆದು ಮಹಾಮಂಗಳಾರತಿ ತೀರ್ಥಪ್ರಸಾದ ವಿನಿಯೋಗ ನಡೆದ ಬಳಿಕ ಸಾರ್ವಜನಿಕ ಅನ್ನಸಂತರ್ಪಣೆ ನಡೆಯಿತು.ಅರ್ಚಕ ಶ್ರೀನಾಥ ಮೆಹಂದಳೆ ನೇತೃತ್ವದಲ್ಲಿ ಪೂಜಾ ಕೈಂಕರ್ಯಗಳು ಜರುಗಿದವು.
ಸಮಾಜದ ಪ್ರಮುಖರಾದ ಮಧುರಾಯ್ ಜಿ ಶೇಟ್, ಕೆ.ಶಿವಾನಂದ,ಟಿ.ಆರ್ ಸುರೇಶ್,ಶ್ರೀಕಾಂತ್ ಶೇಟ್, ಪ್ರಸನ್ನಕುಮಾರ್ ದೊಡ್ಡಮನೆ,ಪ್ರಶಾಂತ್ ದೊಡ್ಡಮನೆ, ಶಂಕರ್ ಶೇಟ್,ಗೋಪಾಲ,ವೆಂಕಟೇಶ.ಎಲ್,ರಾಘು ಶೇಟ್ ಸೇರಿದಂತೆ ಇತರರು ಸಮಾಜದ ಬಾಂಧವರು ಪಾಲ್ಗೊಂಡಿದ್ದರು.
ವರದಿ-ಸಂದೀಪ ಯು.ಎಲ್,
