ರಾಯಚೂರು ಜಿಲ್ಲೆಯ ಲಿಂಗಸುಗೂರು ತಾಲೂಕಿನ ರೋಡಲಬಂಡ ಯುಕೆಪಿ ಬಸವಸಾಗರ ನಾಲೆಯಲ್ಲಿ ಪಾಲಕರೊಂದಿಗೆ ಬಟ್ಟೆ ತೊಳಿಯಲು ಹೋಗಿ ಇಬ್ಬರು ಯುವಕರು ಕಾಲು ಜಾರಿ ನೀರು ಪಾಲಾದ ಘಟನೆ ಜರುಗಿದ್ದು ಪ್ರತ್ಯಕ್ಷದರ್ಶಿಗಳು ಮಾಹಿತಿ ನೀಡಿದ್ದಾರೆ ಮೃತ ಯುವಕರು ತಾಲೂಕಿನ ಬೆಂಡೋಣಿ ಗ್ರಾಮದ ಲಕ್ಕಪ್ಪ ವೀರುಪಾಕ್ಷಿಪ್ಪ ಕಮರಿ ಹಾಗೂ ಬಸವಂತ ತಂದೆ ಶರಣಪ್ಪ ಉಪ್ಪಾರ್ ಎನ್ನುವ ಸುಮಾರು ಇಪ್ಪತ್ತು ಇಪ್ಪತೈದು ವರುಷದ ಯುವಕರು ತಮ್ಮ ಪಾಲಕರೊಂದಿಗೆ ಮುಂಜಾನೆ ಜಾತ್ರೆ ನಿಮಿತ್ಯ ಬಟ್ಟೆ ತೊಳಿಯಲು ಹೋಗಿದ್ದರು ಎಂದು ಹೇಳಲಾಗುತ್ತಿದೆ. ನಾಲೆಯಲ್ಲಿ ಯುವಕರು ಕಾಲು ಜಾರಿ ಬೀಳುತ್ತಲೇ ಸ್ಥಳೀಯರು ನಾಲೆಗೆ ಜಿಗಿದು ರಕ್ಷಣೆಗೆ ಮುಂದಾಗಿದ್ದಾರೆ ಆದರೆ ಅಷ್ಟರಲ್ಲಿ ಯುವಕರು ಸಾವಿಗೀಡಾಗಿದ್ದು ಸ್ಥಳೀಯರು ಹುಡುಕಾಟ ನಡೆಸಿ ಮೃತ ದೇಹಗಳನ್ನು ಹೊರ ತೆಗೆಯಲಾಯಿತು ಎಂದು ತಿಳಿದು ಬಂದಿದೆ ಮೃತ ದೇಹಗಳನ್ನು ಶವ ಪರೀಕ್ಷೆಗೆ ಕಳುಹಿಸಲಾಯಿತು.
ವರದಿ ನಿರಂಜನ್ ಅಂಗಡಿ
