ತಾಲೂಕು ಕಛೇರಿಯಲ್ಲಿ ಮತ ಎಣಿಕೆ ಕಾರ್ಯ

ವಿಜಯನಗರ ಜಿಲ್ಲೆ ಕೊಟ್ಟೂರು: ವಿವಿಧ ಕಾರಣದಿಂದ ಕೊಟ್ಟೂರು ತಾಲೂಕಿನ ಗ್ರಾಮ ಪಂಚಾಯಿತಿ 14-ನಾಗರಕಟ್ಟೆ, 4-ರಾಂಪುರ ಹಾಗೂ
5- ಉಜ್ಜಿನಿ ಗ್ರಾಮ ಪಂಚಾಯಿತಿಗಳಲ್ಲಿ ತೆರವಾಗಿದ್ದ ಒಂದು ಸದಸ್ಯರ ಸ್ಥಾನಕ್ಕೆ ಚುನಾವಣೆ ನಡೆಸಲಾಯಿತು.
4-ರಾಂಪುರ ಗ್ರಾಮ ಪಂಚಾಯಿತಿಯ ರಾಂಪುರ-3ನೇ ಕ್ಷೇತ್ರಕ್ಕೆ ನಾಗರಾಜ ಪಿ, ಜಾಗಟಗೇರಿ ಗ್ರಾಮ ಇವರು ಹಾಗೂ 5-ಉಜ್ಜಿನಿ ಗ್ರಾಮ ಪಂಚಾಯಿತಿಯ ಉಜ್ಜಿನಿ-1ನೇ ಕ್ಷೇತ್ರಕ್ಕೆ ಶರೀನ ಬಾನು, ಉಜ್ಜಿನಿ ಇವರು ಅವಿರೋಧವಾಗಿ ಆಯ್ಕೆಯಾಗಿರುತ್ತಾರೆ. 14-ನಾಗರಕಟ್ಟೆ ಗ್ರಾಮ ಪಂಚಾಯಿತಿಯ ನಾಗರಕಟ್ಟೆ-1ನೇ ಕ್ಷೇತ್ರದ ಸದಸ್ಯ ಸ್ಥಾನಕ್ಕೆ ಚುನಾವಣೆ ನಡೆದು ದಿ. 26.11.2024 ರಂದು ತಾಲೂಕು ಕಛೇರಿಯಲ್ಲಿ ಮತ ಎಣಿಕೆ ಕಾರ್ಯ ನಡೆಸಲಾಯಿತು. ಶೃತಿ ಯು ಎನ್, ನಾಗರಕಟ್ಟೆ ಇವರು ಅತಿ ಹೆಚ್ಚು ಮತಗಳನ್ನು ಪಡೆದು ಆಯ್ಕೆಯಾಗಿರುತ್ತಾರೆ ಹಾಗೂ ಗ್ರಾಮ ಪಂಚಾಯಿತಿಯ ಉಪ-ಚುನಾವಣೆ ಪ್ರಕ್ರಿಯೆ ಶಾಂತಿಯುತವಾಗಿ ನಡೆದಿರುತ್ತದೆ ಎಂದು ತಹಶೀಲ್ದಾರರಾದ ಅಮರೇಶ ಜಿ ಕೆ ಇವರು ತಿಳಿಸಿರುತ್ತಾರೆ.