“ನೂರ್ ಹನ್ನೊಂದು ಶಾಯಿರಿಗಳು” ಶಾಯಿರಿ ಸಂಕಲನ ಬಿಡುಗಡೆ ಸಮಾರಂಭ

ಗದಗ: “ನೂರ್ ಹನ್ನೊಂದು ಶಾಯಿರಿಗಳು” ಶಾಯಿರಿ ಸಂಕಲನ ಬಿಡುಗಡೆ ಸಮಾರಂಭದಲ್ಲಿ ಶಾಯಿರಿ ಕವಿಗಳ ಶಾಯಿರಿಗಳನ್ನು ಮೆಚ್ಚಿ ಮಾತನಾಡಿದ ಡಾ. ಬಸೂ ಬೇವಿನ ಗಿಡದ.

ಗದಗ ಶಹರದಲ್ಲಿರುವ ಕಬ್ಬಿಗರ ಕೂಟ, ಸಭಾಂಗಣದಲ್ಲಿ ರವಿವಾರ ಕವಿದ್ವಯರಾದ ಯಲ್ಲಪ್ಪ ಹರನಾಳಗಿ ಮತ್ತು ಮರುಳಸಿದ್ದಪ್ಪ ದೊಡ್ಡಮನಿ,ಅವರ ಸಂಪಾದಕತ್ವದಲ್ಲಿ ಪ್ರಜ್ವಲ ಪ್ರಕಾಶನ ಹುಲಕೋಟಿ,ಇವರಿಂದ ಪ್ರಕಟವಾದ ನೂರ್ ಹನ್ನೊಂದು ಶಾಯಿರಿಗಳು,ಎನ್ನುವ ಹನ್ನೊಂದು ಸಾಹಿತಿಗಳ ಶಾಯಿರಿಗಳ ಪುಸ್ತಕ
ಲೋಕಾರ್ಪಣೆಯಾಯಿತು.
ಈ ಶಾಯಿರಿ ಸಂಕಲನವನ್ನು
ಧಾರವಾಡ ಆಕಾಶವಾಣಿಯ ನಿವೃತ್ತ ಅಧಿಕಾರಿಗಳಾದ ಡಾ.ಬಸೂ ಬೇವಿನ ಗಿಡದ ಅವರು , ಲೋಕಾರ್ಪಣೆ ಮಾಡಿ, ಮಾತನಾಡುತ್ತಾ ಇವತ್ತಿನ ಸಾಹಿತ್ಯ ಸಂದರ್ಭದಲ್ಲಿ ಶಾಹಿರಿಗಳು ಗಮನ ಸೆಳೆಯುವಲ್ಲಿ ಸಫಲವಾಗುತ್ತಿರವುದಕ್ಕೆ, ಈ ನೂರ್ ಹನ್ನೊಂದು ಶಾಯಿರಿಗಳು, ಪುಸ್ತಕದ ಶಾಯಿರಿಗಳೇ ಸಾಕ್ಷಿಯಾಗಿವೆ, ಎಂದರಲ್ಲದೆ,ಶಾಯಿರಿ ಕವಿಗಳ ಭಾಷೆ ಕುರಿತೂ ಮೆಚ್ಚುಗೆ ವ್ಯಕ್ತಪಡಿಸಿದರು.
ಕೃತಿ ಪರಿಚಯ ಮಾಡಿ ಮಾತನಾಡಿದ ಪ್ರೊ.ಸಿದ್ದಲಿಂಗೇಶ ಸಜ್ಜನ ಶೆಟ್ಟರ್, ಎಲ್ಲಾ ಶಾಯಿರಿ ಕವಿಗಳ,ಕೆಲವು ಶಾಯಿರಿಗಳನ್ನು , ವಿಶ್ಲೇಷಣೆ ಮಾಡಿ,ಬಹಳ ಮಾರ್ಮಿಕವಾಗಿ ಮಾತುಗಳನ್ನಾಡಿ, ಇಂತಹ ಸಾಹಿತ್ಯ ಕೃತಿಗಳು ಇನ್ನೂ ಹೆಚ್ಚಾಗಿ ಪ್ರಕಟವಾಗಲಿಎಂದು ಹಾರೈಸಿದರು.
ಕೃತಿಯ ಸಂಪಾದಕರೂ,ಶಾಯಿರಿ ಕವಿಗಳೂ ಆದ ಮರುಳ ಸಿದ್ದಪ್ಪ ದೊಡ್ಡಮನಿ ಅವರು ಕೃತಿ ಹೊರಬರಲು ಪ್ರೇರಕರಾದ ಸಾಹಿತಿಗಳನ್ನು , ಸ್ಮರಿಸಿ, ಅವರಿಗೆ ಹೃತ್ಪೂರ್ವಕ ವಂದನೆಗಳನ್ನು ತಿಳಿಸುವೆ,ಎಂದು ಪ್ರಾಸ್ತಾವಿಕವಾಗಿ ಮಾತನಾಡಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಹಿರಿಯ ಶಾಯಿರಿ ಕವಿಗಳಾದ ಪರಮೇಶ್ವರಪ್ಪ ಕುದರಿ ಅವರು
ವಹಿಸಿ, ಈ ಶಾಯಿರಿ ಸಂಕಲನ,
ಸಂಪಾದಿತ ಸಂಕಲನದಲ್ಲಿ ರಾಜ್ಯದಲ್ಲೇ ಮೊದಲ ಕೃತಿಯಾಗಿದೆ, ಈ ಕೃತಿಯ ಮೂಲಕ ಮತ್ತಷ್ಟು ಶಾಯಿರಿ ಕವಿಗಳು ಹುಟ್ಟಿದರೆ , ನಮ್ಮ ಶ್ರಮ ಸಾರ್ಥಕ ಎಂದು ಅಧ್ಯಕ್ಷೀಯ ನುಡಿಗಳನ್ನಾಡಿದರು.
ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ, ಪೋಲಿಸ್ ಇಲಾಖೆಯ ಅಧಿಕಾರಿ, ಎಸ್.ಬಿ.ಮಾಳಗೊಂಡ, ಅವರು ಕೃತಿಯಲ್ಲಿನ ಎಲ್ಲಾ ಕವಿಗಳ ಶಾಯಿರಿಗಳು ಉತ್ತಮವಾಗಿ ರಚನೆ ಯಾಗಿವೆ,
ಎಂದು ಶ್ಲಾಘಿಸಿದರು.

ಕವಿ, ಶಿಕ್ಷಕ, ಶ್ರೀನಿವಾಸ ಚಿತ್ರಗಾರ, ಸ್ವಾಗತಿಸಿದರು.
ಜಾನಪದ ಕಲಾವಿದ ಗವಿಸಿದ್ದಯ್ಯ ಹಳ್ಳಿಕೇರಿಮಠ
ಜಾನಪದ ಹಾಡುಗಳ ಮೂಲಕ ರಂಜಿಸಿದರು,
ಕಾರ್ಯಕ್ರಮವನ್ನು ಪ್ರೊ.ಬಸವರಾಜ ನೆಲಜೇರಿ ಅವರು ಅಚ್ಚುಕಟ್ಟಾಗಿ ನಿರೂಪಿಸಿ, ವಂದಿಸಿದರು, ಕಾರ್ಯಕ್ರಮದಲ್ಲಿ, ಶಿ.ಕಾ. ಬಡಿಗೇರ,ಎ. ಎಸ್.ಮಕಾನ್ದಾರ್,ಶಿಲ್ಪಾ ಮ್ಯಾಗೇರಿ, ಭಾಗ್ಯಶ್ರೀ ಹಳ್ಳಿಕೇರಿ ಮಠ, ಯಲ್ಲಪ್ಪ ಮಲ್ಲಪ್ಪ ಹರನಾಳಿಗಿ, ವೀರಪ್ಪ ನಿಂಗೋಜಿ, ಕೊಟ್ರೇಶ ಜವಳಿ,
ಶಿವಪ್ರಸಾದ್ ಹಾದಿಮನಿ ಸೇರಿದಂತೆ ಇತರರು ಉಪಸ್ಥಿತರಿದ್ದರು.

ವರದಿ. ಶಿವಪ್ರಸಾದ್, ಹಾದಿಮನಿ.