ಮುಂಡಗೋಡ ನಗರದ ಜೂನಿಯರ್ ಕಾಲೇಜು ವಿಭಾಗಕ್ಕೆ ಕಾರ್ಪೊರೇಟ್ ಸಾಮಾಜಿಕ ಜವಾಬ್ದಾರಿ ಯೋಜನೆ ಅಡಿಯಲ್ಲಿ ದಾಂಡೇಲಿಯ ವೇಸ್ಟ್ ಕೌಸ್ಟ್ ಪೇಪರ್ ಮಿಲ್ ಅವರ ಸಹಯೋಗದಲ್ಲಿ ನಿರ್ಮಾಣವಾದ ಶೌಚಾಲಯ ಕೊಠಡಿಗಳು ನಿರ್ಮಾಣವಾಗಿ 6 ತಿಂಗಳು ಕಳೆದರೂ ಇನ್ನೂ ಉದ್ಘಾಟನೆ ಭಾಗ್ಯ ಸಿಕ್ಕಿಲ್ಲ. ಪೇಪರ್ ಮಿಲ್ ಅವರನ್ನು ಸಂಪರ್ಕಿಸುವ ಪ್ರಯತ್ನ ಮಾಡಲಾಯಿತಾದರು ಯಾವುದೇ ಫಲ ಕಾಣಲಿಲ್ಲ, ಕಾಲೇಜು ಪ್ರಾಂಶಪಾಲರನ್ನು ಸಂಪರ್ಕಿಸಿದಾಗ , ಮಾನ್ಯ ಶಾಸಕರು ಹಾಗೂ ಪೇಪರ್ ಮಿಲ್ ಅವರ ಸಹಯೋಗ ದಲ್ಲೆ ಉದ್ಘಾಟನೆ ಮಾಡಲಾಗುವುದು ಎಂದು ತಿಳಿಸಿದರು.
ಮಕ್ಕಳಿಗಾಗಿ ಸೂಕ್ತ ಸಮಯದಲ್ಲಿ ಇಂತಹವುಗಳನ್ನು ಬಳಕೆಗೆ ನೀಡದಿದ್ದರೆ ಕಟ್ಟಿದ ಉದ್ದೇಶವಾದರೂ ಏನು ಎಂದು ಸಾರ್ವಜನಿಕರು ಪ್ರಶ್ನೆ ಮಾಡುತ್ತಿದ್ದಾರೆ.
