ಕಲಬುರಗಿ:ಇನ್ಸುಲಿನ್ ಕಂಡುಹಿಡಿದ ಪ್ರವರ್ತಕ ಸರ್ ಫ್ರೆಡ್ರಿಕ್ ಬ್ಯಾಂಟಿಂಗ್ ಅವರ ಜನ್ಮದಿನದ ನೆನಪಿಗಾಗಿ ನವೆಂಬರ್ 14 ರಂದು ವಿಶ್ವ ಮಧುಮೇಹ ದಿನವನ್ನು ಕೆಬಿಎನ್ ವಿವಿಯಲ್ಲಿ ಆಚರಿಸಲಾಯಿತು.
ಖಾಜಾ ಬಂದಾನವಾಜ್ ವಿಶ್ವವಿದ್ಯಾನಿಲಯದ ವೈದ್ಯಕೀಯ ಜನರಲ್ ಮೆಡಿಸಿನ್ ವಿಭಾಗವು ಕೆಬಿಎನ್ ಆಸ್ಪತ್ರೆಯಲ್ಲಿ ಮಧುಮೇಹದ ಉಚಿತ ಸ್ಕ್ರೀನಿಂಗ್ ಡ್ರೈವ್ಅನ್ನು ಏರ್ಪಡಿಸಿತ್ತು .
ಸ್ಕ್ರೀನಿಂಗ್ FBS,PPBS ಮತ್ತು HBA1C ಯಂತಹ ಪರೀಕ್ಷೆಗಳನ್ನು ಒಳಗೊಂಡಿತ್ತು.
ಸ್ಕ್ರೀನಿಂಗ್ ಡ್ರೈವ್ ಜೊತೆಗೆ,ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸಲು ಜನರಲ್ ಮೆಡಿಸಿನ್ ವಿಭಾಗದಿಂದ ಕಿರುನಾಟಕವನ್ನು ಪ್ರದರ್ಶಿಸಲಾಯಿತು.
ಜೀವನಶೈಲಿ ನಿರ್ವಹಣೆ,ನಿಯಮಿತ ಔಷಧಿ ಸೇವನೆ ಮತ್ತು ವೈದ್ಯರೊಂದಿಗೆ ಅನುಸರಣೆಯ ಮಹತ್ವದ ಕುರಿತು ಸ್ಕಿಟ್ ಪ್ರದರ್ಶಿಸಲಾಯಿತು.
ಜನರಲ್ ಮೆಡಿಸಿನ್ ವಿಭಾಗದ ಪ್ರಾಧ್ಯಾಪಕಿ ಮತ್ತು ವಿಭಾಗದ ಮುಖ್ಯಸ್ಥರಾದ ಡಾ.ಚಂದ್ರಕಲಾ ಅವರ ನೇತೃತ್ವದಲ್ಲಿ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು.
ಕೆಬಿಎನ್ ಆಸ್ಪತ್ರೆಯ ಎಸ್ಸಿಇಒ ಡಾ.ಪಿ.ಎಸ್. ಶಂಕರ್,ಡಾ.ಹಿಮಾಯತುಲ್ಲಾ ಖಾನ್,ಡಾ. ಪ್ರಶಾಂತ್ ಇ.ಡಿ.,ಡಾ.ಆನಂದ್ ಶಂಕರ್,ಡಾ.ಗಿರೀಶ್ ರೋನಾಡ್,ಡಾ.ಶ್ರೀ ಗೌರಿ,ಡಾ.ಸಂಜಯ್,ಡಾ. ಮುದ್ದಸಿರ್,ಡಾ.ಮುಷ್ತಾಕ್,ಡಾ.ಸಾಗರ್ ಬಿರಾದಾರ್,ಡಾ.ಸುಮಂಗಲಾ ಹಾಗೂ ಇತರೆ ವಿಭಾಗದ ಅಧ್ಯಾಪಕರು ಉತ್ಸಾಹದಿಂದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.
ವರದಿ:ಅಪ್ಪಾರಾಯ ಬಡಿಗೇರ
