ಭದ್ರಾವತಿ:ನಗರದ ಉಂಬ್ಲೇಬೈಲು ರಸ್ತೆಯ ಜೀವ ಭಾರತೀಯ ವಿಮಾ ನಿಗಮದ ಶಾಖಾ ಕಚೇರಿಯಲ್ಲಿ ನೂತನವಾಗಿ ಜಾರಿಗೆ ಬಂದಿರುವ ಜೀವನ ಉತ್ಸವ ಪಾಲಿಸಿಗೆ ಬುಧವಾರ ಶಾಖಾ ಪ್ರಬಂಧಕ ಮುರಳೀಧರ ಚಾಲನೆ ನೀಡಿದರು.
ಜೀವನ ಉತ್ಸವ ಪಾಲಿಸಿ ಮಹತ್ವದ ಯೋಜನೆಯಾಗಿದೆ ಗ್ರಾಹಕರು ಕಡಿಮೆ ಅವಧಿಯ ಪಾಲಿಸಿಯನ್ನು ಅಪೇಕ್ಷಿಸುತ್ತಿದ್ದರು ಇದೀಗ ಜನರ ಅಪೇಕ್ಷೆಯನ್ನು ಹೊಸ ಪಾಲಿಸಿ ಈಡೇರಿಸಿದೆ ಎಂದರು ಭದ್ರಾವತಿ ಶಾಖಾ ಕಚೇರಿಯಲ್ಲಿ ಹೊಸ ಯೋಜನೆಗೆ ಚಾಲನೆ ನೀಡಿದ 2 ಗಂಟೆ ಅವಧಿಯಲ್ಲಿ 6 ಜನರ ನೋಂದಣಿಯಾಗಿದೆ ಈ ಪಾಲಿಸಿ ಕಡಿಮೆ ಅವಧಿಯನ್ನು ಬಯಸುವ ಜನರಿಗೆ ಬಹುಮುಖ್ಯ ಪಾಲಿಸಿಯಾಗಿದೆ ಈ ಪಾಲಿಸಿಯ ಸಂದಾಯ ಅವಧಿ 5 ರಿಂದ 16 ವರ್ಷವಾಗಿರುತ್ತದೆ ಎಂದು ತಿಳಿಸಿದರು.
ಆಡಳಿತಾಧಿಕಾರಿ ನಾಗರಾಜ್,ಬಾಬು ಸೇಠ್ ನಾಯಕ್,ಅಭಿವೃದ್ಧಿ ಅಧಿಕಾರಿಗಳಾದ ರಾಜೇಶ್ ಕೆ ಐನಾಪುರ್,ಲೋಹಿ ಕೆ ನಾಯರ್,ನಿಕಿಲೇಶ್ ಸೇರಿದಂತೆ ಮುಂತಾದವರು ಉಪಸ್ಥಿತರಿದ್ದರು. ಜೀವನ ಉತ್ಸವ ಯೋಜನೆಯ ಮೊದಲ ಪ್ರತಿನಿಧಿಗಳಾದ ಕೆ.ಎಚ್.ಮಂಜುನಾಥ ನಾಯ್ಕ, ಸುಬ್ರಮಣಿಯವರನ್ನು ಗೌರವಿಸಿ, ಅಭಿನಂದಿಸಲಾಯಿತು.
