ಕೊಪ್ಪಳ/ ಯಲಬುರ್ಗಾ: ರೈತರು ಹೋರಾಟದ ಸಂಘಟನೆಯಲ್ಲಿ ತೊಡಗಿದಾಗ ಮತ್ತು ರೈತ ಪರ ಸಮಸ್ಯೆಗಳಿಗೆ ತಮ್ಮ ಬೇಡಿಕೆಗಳನ್ನು ಕೇಳಿದಾಗ ಅವರ ಸಮಸ್ಯೆಗಳಿಗೆ ಸ್ಪಂದಿಸಿ ಅವರಿಗೆ ಸಹಕಾರ ನೀಡಬೇಕು ಎಂದು ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ (ವಾಸುದೇವ್ ಮೇಟಿ ಬಣ) ಯಲಬುರ್ಗಾ ತಾಲೂಕು ಅಧ್ಯಕ್ಷ ಶರಣಬಸಪ್ಪ ದಾನಕೈ ಅವರು ಮಾತನಾಡಿ, ಪಟ್ಟಣ ಪಂಚಾಯತಿಯವರು ಯಾರಿಗೆ ಮನೆ ಇರುವುದಿಲ್ಲ ಅವರಿಗೆ ಮನೆ ಹಾಗೂ ಅವರಿಗೆ ಉತಾರ ನೀಡುವ ಬಗ್ಗೆ ಅಲೆದಾಡಿಸುವುದು ಸೂಕ್ತವಾದದ್ದಲ್ಲ ಮತ್ತು ಸಿಬ್ಬಂದಿಯವರು ರೈತರಿಗೆ ಬೆದರಿಕೆ ನೀಡುವುದು ಸೂಕ್ತವಾದದ್ದು ಅಲ್ಲ ಮತ್ತು ವಿವಿಧ ಇಲಾಖೆಯ ಅಧಿಕಾರಿಗಳು ರೈತರಿಗೆ ಸಿಗುವ ಸೌಲಭ್ಯಗಳನ್ನು ಪ್ರಾಮಾಣಿಕವಾಗಿ ಅವರಿಗೆ ಮುಟ್ಟಿಸಬೇಕು, ಇಲ್ಲವಾದರೆ ಶ್ರೀಮಂತರು ಶ್ರೀಮಂತರಾಗಿ, ಬಡ ರೈತರು ಬಡವರಾಗಿ, ಉಳಿಯುತ್ತಾರೆ. ಅಲ್ಲದೆ ರೈತರು ಬೆಳೆದಿರುವ ವಿವಿಧ ಬೆಳೆಗಳಿಗೆ ಸರಿಯಾಗಿ ಮತ್ತು ಸೂಕ್ತ ಸಮಯಕ್ಕೆ ಬೆಂಬಲ ಬೆಲೆ ಸಿಗಲಾರದೆ ರೈತರು ಸಾಲ ಶೂಲ ಮಾಡಿದ ಪರಿಣಾಮವಾಗಿ ದಲ್ಲಾಳಿಯವರಿಗೆ ಕಡಿಮೆ ದರಕ್ಕೆ ಮಾರುತ್ತಾರೆ. ಇದರಿಂದ ರೈತರು ಸಾಲದಲ್ಲಿ ಹುಟ್ಟಿ ಸಾಲದಲ್ಲಿ ಸಾಯುವ ಪ್ರಸಂಗ ಒದಗಿ ಬಂದಿದೆ ಆದುದರಿಂದ ಕಡ್ಲಿ ಇತರ ಬೆಳೆಗಳಿಗೆ ಬೆಂಬಲ ಬೆಲೆ ಅತಿ ಶೀಘ್ರದಲ್ಲಿ ಮಾಡಿ ಅವರಿಗೆ ಸಿ ಎಂ ಆರ್ಥಿಕ ಸಲಹೆಗಾರ ಬಸವರಾಜ ಅವರು ಮುಖ್ಯ ಮಂತ್ರಿ ಸಿದ್ದರಾಮಯ್ಯ ಸರಕಾರದ ಗಮನಕ್ಕೆ ತಂದು ಅನುಕೂಲ ಮಾಡಬೇಕೆಂದು ಕರ್ನಾಟಕ ರಾಜ್ಯ ರೈತ ಸಂಘದ ಅಧ್ಯಕ್ಷ ಶರಣಬಸಪ್ಪ ದಾನಕೈ ಅವರು ಪಟ್ಟಣದ ಶ್ರೀ ಬೀರಲಿಂಗೇಶ್ವರ ದೇವಸ್ಥಾನದಲ್ಲಿ ನಗರ ಘಟಕದ ಪದಗ್ರಹಣದಲ್ಲಿ ಪದಾಧಿಕಾರಿಗಳನ್ನು ಆಯ್ಕೆ ಮಾಡಿ ಮಾತನಾಡಿದರು.
ಪದಾಧಿಕಾರಿಗಳ ಆಯ್ಕೆ:
ನಗರ ಘಟಕದ ಅಧ್ಯಕ್ಷ ಸಿದ್ದರಾಮಪ್ಪ ಹಿರೇಕುರುಬರ, ಉಪಾಧ್ಯಕ್ಷ ಸಿದ್ದಪ್ಪ ದಂಡಿನ, ಪ್ರಧಾನ ಕಾರ್ಯದರ್ಶಿ ಬಸವರಾಜ ಹಡಪದ, ಸಹ ಕಾರ್ಯದರ್ಶಿ ರಾಮಣ್ಣ ಕವಡಿಕಾಯಿ, ಸಂಘಟನಾ ಕಾರ್ಯದರ್ಶಿ ಕಳಕಪ್ಪ ಬಾಚಲಾಪುರ, ಸಹ ಸಂಘಟನಾ ಕಾರ್ಯದರ್ಶಿ ಯಲ್ಲಪ್ಪ ಭಾವಿಕಟ್ಟಿ, ಕೋಶಾಧ್ಯಕ್ಷ ಮಾಂತೇಶ್ ಕೊಪ್ಪಳ, ಸದಸ್ಯರಾಗಿ ಶಿವಪ್ಪ ಹಡಪದ, ಮಾರುತಿ ಎಮ್ಮಿಗುಡ್ಡದ, ಹನುಮಪ್ಪ ಹಿರೇಕುರುಬರ, ಶಿವಲಿಂಗಪ್ಪ ಕಟ್ಟಿಮನಿ, ಮಲ್ಲಪ್ಪ ಮೇಲಸಕ್ರಿ, ಸೇರಿದಂತೆ ಇತರರು ಉಪಸ್ಥಿತರಿದ್ದರು.
ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ವಾಸುದೇವ ಮೇಟಿ ಬಣದ ಯಲಬುರ್ಗಾ ತಾಲೂಕು ಅಧ್ಯಕ್ಷ ಶರಣಬಸಪ್ಪ ದಾನಕೈ ಅವರ ಅಧ್ಯಕ್ಷತೆಯಲ್ಲಿ ಜರುಗಿತು. ನಂತರ ಶ್ರೀ ದುರ್ಗಾದೇವಿ ದೇವಸ್ಥಾನ, ಶ್ರೀ ಮೊಗ್ಗಿ ಬಸವೇಶ್ವರ ದೇವಸ್ಥಾನ, ಸೇರಿದಂತೆ ಇತರ ದೇವಸ್ಥಾನದಲ್ಲಿ ಪೂಜೆ ಸಲ್ಲಿಸಲಾಗಿತ್ತು.
