ಹುಲಿ ಉಗುರು ಸಂಗ್ರಹ ಇಬ್ಬರ ಬಂಧನ

ಹನೂರು: ವ್ಯಾಪ್ತಿಯಲ್ಲಿನ ಪಿಜಿ ಪಾಳ್ಯ ಗ್ರಾಮ ಪಂಚಾಯತಿಯಲ್ಲಿನ ರಸ್ತೆಯ ಹತ್ತಿರ ಮಾರಲು ಆಕ್ರಮವಾಗಿ ಹುಲಿ ಉಗುರು ಹಾಗೂ ಹಲ್ಲುಗಳನ್ನು ಸಾಗಿಸುತ್ತಿದ್ದ ಇಬ್ಬರು ಆರೋಪಿಗಳನ್ನು ಅರಣ್ಯ ಸಂಚಾರಿ ದಳದ ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ, ಆರೋಪಿಗಳನ್ನು ಹನೂರು ತಾಲ್ಲೂಕಿನ
ಆಂಡೆಕುರುಬರ ದೊಡ್ಡಿ ಗ್ರಾಮದ ಗೋಪಾಲ ಬಿನ್ ದೇವನಾಯಕ, ರಾಯಚೂರು ಜಿಲ್ಲೆಯ ಸಿಂಧನೂರು ತಾಲ್ಲೂಕಿನ ಗೋರೆಬಾಳ ಗ್ರಾಮದ ಹನುಮೇಶ ಬಿನ್ ಲೇಟ್ ಹೊನ್ನಪ್ಪ ಬಂಧಿತರು ಎನ್ನಲಾಗಿದೆ , ಇದೇ ತಿಂಗಳು
ಜನವರಿ ಹದಿನಾರರಂದು ಖಚಿತ ಮಾಹಿತಿ ಮೇರೆಗೆ ಹನೂರು ಪೊಲೀಸ್ ಠಾಣಾ ವ್ಯಾಪ್ತಿಯ ಪಿಜಿ ಪಾಳ್ಯ ಗ್ರಾಮದ ಪಂಚಾಯತಿ ವ್ಯಾಪ್ತಿಯಲ್ಲಿ ದ್ವಿಚಕ್ರ ವಾಹನದಲ್ಲಿ ಆರೋಪಿಗಳು ಹುಲಿಯ ಉಗುರು ಮತ್ತು ಹುಲಿಯ ಹಲ್ಲಗಳನ್ನು ಆಕ್ರಮವಾಗಿ ಶೇಖರಣೆ ಮಾಡಿ ಮಾರಾಟ ಮಾಡಲು ಸಾಗಿಸುತ್ತಿದ್ದ ಸಮಯದಲ್ಲಿ ಅರಣ್ಯ ಇಲಾಖೆ ಸಂಚಾರಿ ದಳದ ಪೊಲೀಸರು ದಾಳಿ ನಡೆಸಿ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ .
ಬಂಧಿತ ಆರೋಪಿಗಳಿಂದ 40 ಹುಲಿಯ ಉಗುರುಗಳು ಸೇರಿದಂತೆ ಹಾಗೂ 2 ಹಲ್ಲುಗಳನ್ನು ಸಹ ವಶಕ್ಕೆ ಪಡೆದಿದು ಆರೋಪಿಗಳನ್ನು ಹೆಚ್ಚಿನ ವಿಚಾರಣೆಗಾಗಿ ನ್ಯಾಯಲಯದ ವಶಕ್ಕೆ ನೀಡಿದ್ದಾರೆ ಎನ್ನಲಾಗಿದೆ.

-ಉಸ್ಮಾನ್ ಖಾನ್