ವನಸಿರಿ ಫೌಂಡೇಶನ್ ಕಾರಟಗಿ ತಾಲೂಕಾ ಘಟಕದ ವತಿಯಿಂದ ಎಪ್ರಿಲ್ ಕೂಲ್ ಕಾರ್ಯಕ್ರಮ ಆಚರಣೆ

ಕೊಪ್ಪಳ:ವನಸಿರಿ ಫೌಂಡೇಶನ್ ಕಾರಟಗಿ ತಾಲೂಕ ಘಟಕದ ವತಿಯಿಂದ ವಿದ್ಯಾಭಾರತಿ ಪದವಿಪೂರ್ವ ಹಾಗೂ ಪದವಿ ಮಹಿಳಾ ಮಹಾವಿದ್ಯಾಲಯದಲ್ಲಿ ನಿನ್ನೆ ಬೇಸಿಗೆ ನಿಮಿತ್ತವಾಗಿ ಪಕ್ಷಿಗಳಿಗೆ ಆಹಾರ ಮತ್ತು ನೀರಿನ ಅರವಟ್ಟಿಗೆ ಉದ್ಘಾಟನೆ ಕಾರ್ಯಕ್ರಮವನ್ನು ವಿನೂತನವಾಗಿ ಏಪ್ರಿಲ್ ಫೂಲ್ ಬದಲು ಏಪ್ರಿಲ್ ಕೂಲ್ ಕಾರ್ಯಕ್ರಮವನ್ನು ಏರ್ಪಡಿಸಲಾಗಿತ್ತು.

ಈ ಸಂದರ್ಭದಲ್ಲಿ ಕಾರಟಗಿ ಘಟಕದ ಅಧ್ಯಕ್ಷರಾದ ಶ್ರೀ ಬಸವರಾಜ್ ಹೊಸಮನಿ ಮಾತನಾಡಿ ಪರಿಸರ ಜಾಗೃತಿಯ ಬಗ್ಗೆ ಮತ್ತು ಪಕ್ಷಿ ಸಂಕುಲಗಳನ್ನು ಉಳಿಸುವ ಬಗ್ಗೆ ಕೈಗೊಳ್ಳಬೇಕಾದ ಕ್ರಮಗಳು ಮತ್ತು ಎಚ್ಚರಿಕೆಯ ನಿಯಮಗಳ ಬಗ್ಗೆ ವಿದ್ಯಾರ್ಥಿನಿಯರಿಗೆ ತಿಳಿಸಿದರು ಜೊತೆಗೆ ವನಸಿರಿ ಫೌಂಡೇಶನ್ ಹಲವಾರು ಕಾರ್ಯಕ್ರಮಗಳನ್ನ ರೂಪುರೇಷೆಗಳನ್ನು ತಿಳಿಸಿ ಕೊಟ್ಟರು.

ಈ ಸಂದರ್ಭದಲ್ಲಿ ಕಾರಟಗಿ ಘಟಕದ ಸದಸ್ಯರಾದ ಶ್ರೀ ವಿರೂಪಾಕ್ಷೇಶ್ವರ ಸ್ವಾಮಿ ಶ್ರೀ ಶರಣಪ್ಪ ಅಯ್ಯೋದ್ಯಾ ಶ್ರೀಮತಿ ಸೌಮ್ಯ ಕಂದಗಲ್ ಶ್ರೀಮತಿ ಶಾಂತ ಹಿರೇಮಠ ಶ್ರೀಮತಿ ಶಿವಲೀಲಾ ಅಯೋಧ್ಯ ಶ್ರೀ ಚಂದ್ರಶೇಖರ ಅಂಗಡಿ ಸಂಸ್ಥೆಯ ಪ್ರಾಚಾರ್ಯರಾದ ಶ್ರೀ ವೀರೇಶ್ ಹಾಲಸಮುದ್ರ ಉಪನ್ಯಾಸಕರಾದ ಶ್ರೀ ರಾಮಾಂಜನೇಯ ಅವರು ಹಾಗೂ ವಿದ್ಯಾರ್ಥಿನಿಯರು ಉಪಸ್ಥಿತರಿದ್ದರು.