ತಿಪಟೂರು ಜೆಡಿಎಸ್ ನಲ್ಲಿ ಬಂಡಾಯದ ಬಿಸಿ

ಪಕ್ಷಕ್ಕೆ ಕರೆತಂದವರನ್ನೇ ಮೂಲೆಗುಂಪು ಮಾಡಲು ಹೊರಟ ಶಾಂತಕುಮಾರ್ ಗೆ ಚುನಾವಣೆಯಲ್ಲಿ ತಕ್ಕ ಪಾಠ ಮಲ್ಲಿಕಾರ್ಜುನ ಸ್ವಾಮಿ

ತಿಪಟೂರು-ನಗರದ ಖಾಸಗಿ ಹೋಟೆಲ್ ನಲ್ಲಿ ಸುದ್ದಿಗೋಷ್ಠಿ ನಡೆಸಿದ ಮಲ್ಲಿಕಾರ್ಜುನ ಸ್ವಾಮಿ ಬಾಳೆಕಾಯಿ, ಮಾತನಾಡುತ್ತಾ ಕೆಲ ದಿನಗಳ ಹಿಂದೆ ತಿಪಟೂರು ಜೆ ಡಿ ಎಸ್ ಪಕ್ಷಕ್ಕೆ ಒಬ್ಬ ನಾಯಕನ ಹುಡುಕಾಟದಲ್ಲಿದ್ದಾಗ ಕಾಂಗ್ರೆಸ್ ನಿಂದ ಹೊರ ದಬ್ಬಲ್ ಪಟ್ಟಿದ್ದ ಕೆ ಟಿ ಶಾಂತಕುಮಾರ್ ರವರನ್ನು ನಾವೇ ಸಮಾಧಾನಪಡಿಸಿ ಜೆಡಿಎಸ್ ಪಕ್ಷಕ್ಕೆ ಕರೆತಂದಿದ್ದೆವು. ಆದರೆ ಇಂದು ನಮ್ಮನ್ನು ಪಕ್ಷದಲ್ಲಿ ನಿಕೃಷ್ಟವಾಗಿ ಕಾಣುತ್ತಿದ್ದು, ಹತ್ತಿದ ಏಣಿಯನ್ನೇ ದೂಡುವ ಮನಸ್ಥಿತಿಗೆ ಬಂದಿರುವುದು ದುರಾದೃಷ್ಟಕರ ಆದ್ದರಿಂದ ತಿಪಟೂರು ಜೆಡಿಎಸ್ ನ ಬಿ ಫಾರಂ ಪಡೆಯಲು ಈಗಾಗಲೇ ಪಕ್ಷದ ವರಿಷ್ಠರೊಂದಿಗೆ ಮಾತುಕತೆ ನಡೆಸಿದ್ದು, ಟಿಕೆಟ್ ಸಿಗುವ ಭರವಸೆ ಇದೆ ಎಂದು ತಿಳಿಸಿದರು.

ತಾಲೂಕಿನ ಜೆಡಿಎಸ್ ಮೂಲ ಕಾರ್ಯಕರ್ತರಿಗೆ ಶಾಂತಕುಮಾರ್ ಅವಮಾನ ಪಡಿಸುತ್ತಿದ್ದು, ನಮ್ಮ ಸ್ವಾಭಿಮಾನಿ ಕಾರ್ಯಕರ್ತರ ಪರವಾಗಿ ನಾನು ಚುನಾವಣೆಗೆ ಸ್ಪರ್ಧಿಸುತ್ತಿದ್ದು, ಇದೇ ಗುರುವಾರ ಅಥವಾ ಶನಿವಾರ ನಾಮಪತ್ರ ಸಲ್ಲಿಸುವುದಾಗಿ ತಿಳಿಸಿದರು.

ಸುದ್ದಿಗೋಷ್ಠಿಯಲ್ಲಿ ಕಸಬ ಹೋಬಳಿ ಅಧ್ಯಕ್ಷರಾದ ಕೆರಗೋಡಿ ಯೋಗಣ್ಣ, ಕಾರ್ಯಕರ್ತರಾದ ಕೆರಗೋಡಿ ಕುಮಾರಸ್ವಾಮಿ, ಹುಣಸೆಘಟ್ಟ ಕಾಂತರಾಜು, ಹಾಲ್ಕುರ್ಕೆ ಉಮಾಶಂಕರ್ ಸೇರಿದಂತೆ ಮತ್ತಿತರರು ಹಾಜರಿದ್ದರು.