ಖಾಸಗಿ ಶಾಲೆಗಳ ಡೊನೇಷನ್ ಹಾವಳಿ ತಪ್ಪಿಸಲು ಕರವೇ ಹೋರಾಟ

ರಾಯಚೂರು:ಲಿಂಗಸುಗೂರು ತಾಲೂಕಿನ ಖಾಸಗಿ ಶಿಕ್ಷಣ ಸಂಸ್ಥೆಗಳಲ್ಲಿ ಡೊನೇಷನ್ ಹಾವಳಿ ಹೆಚ್ಚಾಗಿದ್ದು,ಇದನ್ನು ತಡೆಗಟ್ಟಬೇಕೆಂದು ಒತ್ತಾಯಿಸಿ ಕರ್ನಾಟಕ ರಕ್ಷಣಾ ವೇದಿಕೆ ಪ್ರವೀಣ್ ಶೆಟ್ಟಿ ಬಣದ ತಾಲೂಕು ಘಟಕದ ಆಂಜನೇಯ ಎಚ್ ಭಂಡಾರಿ ಅವರು ಸಹಾಯಕ ಆಯುಕ್ತರಿಗೆ ಮನವಿಯನ್ನು ಸಲ್ಲಿಸಿ ಮಾತನಾಡುತ್ತಾ ಶಿಕ್ಷಣ ಕಾಯ್ದೆ 1983 ಮತ್ತು 29ರ ಆರ್ ಟಿ ಇ ಕಾಯ್ದೆ ಜಾರಿಯಾದರೂ ಸಮರ್ಪಕವಾಗಿ ಪಾಲನೆ ಆಗುತ್ತಿಲ್ಲ,
ಎಲ್ ಕೆ ಜಿ,ಯು ಕೆ ಜಿ ಪ್ರವೇಶಕ್ಕೆ 25,000 ವರೆಗೆ ಪ್ರವೇಶ ಶುಲ್ಕ ಫೀ ಹೆಸರಿನಲ್ಲಿ ಅನುದಾನ ರಹಿತ ಶಿಕ್ಷಣ ಸಂಸ್ಥೆಗಳು 500 ರೂ.ಗಳನ್ನು ಮಾವು ಅಭಿವೃದ್ಧಿ ಶುಲ್ಕದ ಅಡಿಯಲ್ಲಿ ಪಡೆಯಲು ಅವಕಾಶವಿದ್ದರೂ, ಈ ಹಣವನ್ನು ಒತ್ತಾಯದ ಮೂಲಕ ಸಂಗ್ರಹಿಸುವಂತಿಲ್ಲ ಆದರೆ ಇದಕ್ಕೂ ಹೆಚ್ಚಿನ ಹಣ ಸಂಗ್ರಹಿಸುವುದು ಕಾನೂನ ಪ್ರಕಾರ ಅಪರಾಧ.ಖಾಸಗಿ ಶಿಕ್ಷಣ ಸಂಸ್ಥೆಗಳು ಪ್ರಾರಂಭಿಕ ತರಗತಿಗೆ ಪ್ರವೇಶ ಪರೀಕ್ಷೆಗಳನ್ನು ನಡೆಸಬಾರದೆಂದು ಶಿಕ್ಷಣ ಹಕ್ಕು ಕಾಯ್ದೆ 2009 ರ ಸೆಕ್ಷನ್ 13/2 ಬಿ ಹೇಳುತ್ತದೆ,ಇದನ್ನು ಮೀರಿ ಪ್ರವೇಶ ಪರೀಕ್ಷೆ ನಡೆಸುವ ಶಾಲೆಗೆ 25,000 ದಂಡ ಹಾಕಬೇಕೆಂದು ಈ ಮೂಲಕ ಒತ್ತಾಯಿಸಿದರು ಖಾಸಗಿ ಶಿಕ್ಷಣಗಳು ಡೊನೇಷನ್ ಜೊತೆಗೆ ನೋಟ್ ಬುಕ್ ಬೂಟು,ಬಟ್ಟೆ,ಸಮವಸ್ತ್ರ,ಆಯಾ ಶಾಲೆಯಲ್ಲಿ ತೆಗೆದುಕೊಳ್ಳಬೇಕು ಅಥವಾ ಅಂಗಡಿಯಲ್ಲಿ ತೆಗೆದುಕೊಳ್ಳಬೇಕೆಂದು ಪಾಲಕರಿಗೆ ಹೇಳುತ್ತಾರೆ ಇದರಿಂದ ಪಾಲಕರಿಗೆ ಹೆಚ್ಚಿನ ದರದಲ್ಲಿ ತೆಗೆದುಕೊಳ್ಳುವ ಹಾಗೆ ಮಾಡಿ ಅವರಿಗೆ ಹೆಚ್ಚಿನ ಹೊರೆ ಬೀಳುತ್ತಾ ಇದೆ ಇದರಿಂದ ಸಾಮಾನ್ಯ ವರ್ಗದ ಜನ ಖಾಸಗಿ ಶಿಕ್ಷಣ ಸಂಸ್ಥೆಗಳಲ್ಲಿ ಸಿಲುಕಿ ಮಕ್ಕಳನ್ನು ದುಬಾರಿ ಶಿಕ್ಷಣ ಕೊಡಿಸದೆ ನಲುಗಿ ಹೋಗಿದ್ದಾರೆ ಮುಂದಿನ ದಿನಗಳಲ್ಲಿ ಇಂತಹ ಖಾಸಗಿ ಶಿಕ್ಷಣ ಸಂಸ್ಥೆಗಳನ್ನು ಮೇಲೆ ನೀವು ಸೂಕ್ತ ಕಾನೂನು ಕ್ರಮಗಳನ್ನು ಕೈಗೊಳ್ಳಬೇಕೆಂದು ಮನವಿ ನೀಡಿ ಒತ್ತಾಯಿಸಿದರು.ಈ ಸಂದರ್ಭದಲ್ಲಿ ಕರವೇ ಅಧ್ಯಕ್ಷ ಆಂಜನೇಯ ಭಂಡಾರಿ,ವೆಂಕಟೇಶ ಉಪ್ಪಾರ,ಅಶೋಕ್ ನಾಯಕ,ಶಿವು ಪತ್ತಾರ,ಮೌನೇಶ ಬುಳ್ಳಾಪುರ,ದುರ್ಗಪ್ಪ ದೊಡ್ಡಮನಿ ಇತರರಿದ್ದರು.
-ಪುನೀತ್ ಕುಮಾರ್