ಉತ್ತರ ಕನ್ನಡ: ಅಂಕೋಲಾ ತಾಲೂಕಿನಲ್ಲಿ ಕಳೆದ ಸುಮಾರು ದಿನಗಳಿಂದ ಮತ್ತೆ ನಾಯಿಕೊಡೆಗಳಂತೆ ಮಟ್ಕಾ ದಂಧೆ ತಲೆ ಎತ್ತಿದೆ..! . ಪೊಲೀಸರ ಕಣ್ತಪ್ಪಿಸಿ ಬುಕ್ಕಿಗಳು ತೆರೆ ಮರೆಯಲ್ಲಿ ಮಟ್ಕಾ ದಂಧೆ ನಡೆಸುತ್ತಿದ್ದಾರೆ. ಹೌದು, ಇಷ್ಟು ದಿನಗಳಿಂದ ನಿಶ್ಯಬ್ಧವಾಗಿದ್ದ ಮಟ್ಕಾ ದಂಧೆ ಕೆಲ ದಿನಗಳಿಂದ ನಿಧಾನವಾಗಿ ತಾಲೂಕಿನ ಹಲವು ಹಳ್ಳಿಗಳಲ್ಲಿ ಹಾಗೂ ಪಟ್ಟಣದ ಪ್ರಮುಖ ಪ್ರದೇಶಗಳಲ್ಲಿ ಪುನರಾರಂಭಗೊಂಡಿದೆ. ಎಷ್ಟೋ ಗಂಡಸರ ಈ ದುಶ್ಚಟಕ್ಕೆ ಪೊಲೀಸರು ಬ್ರೇಕ್ ಹಾಕಿದ್ದರು. ಆದರೆ ಈ ಮಟ್ಕಾ ಎನ್ನುವ ರಾಕ್ಷಸ ಚಟಕ್ಕೆ ಮುಕ್ತಿ ಕೊಡುವವರು ಯಾರೂ ಇಲ್ಲ ಎನ್ನುವಂತೆ ಮಟ್ಕಾ ಬುಕ್ಕಿಗಳು ಪುನಃ ಈ ಅಕ್ರಮ ದಂಧೆಯನ್ನು ಶುರುಮಾಡಿದ್ದಾರೆ.
ಎಷ್ಟೇ ದಕ್ಷ ಅಧಿಕಾರಿಗಳು ಬಂದರೂ ಸಹ ಈ ಮಟ್ಕಾ ದಂಧೆಗೆ ಶಾಶ್ವತ ಬ್ರೇಕ್ ಹಾಕಲು ಸಾಧ್ಯವಾಗುತ್ತಿಲ್ಲ ಎಂಬ ಮಾತು ಸತ್ಯ ಎನ್ನುವಂತೆ, ಕೆಲ ದಿನಗಳಿಂದ ಇತಿಹಾಸ ಮರುಕಳಿಸುತ್ತಿದೆ, ಅಂದರೆ ಈ ಲೂಟಿ ಅಕ್ರಮ ದಂಧೆ ಮತ್ತೆ ತಾಲೂಕಿನ ಹಲವೆಡೆ ಯಾರ ಹಂಗಿಲ್ಲದೆ ತಲೆ ಎತ್ತಿದೆ. ಪೊಲೀಸರ ಗಮನಕ್ಕೆ ಬಾರದೆ ನಡೆಯುತ್ತಿದೆ. ಪೊಲೀಸರು ಇನ್ಮುಂದೆ ಎಚ್ಚೆತ್ತು ಈ ಅಕ್ರಮ ದಂಧೆಗೆ ಹಾಗೂ ಬುಕ್ಕಿಗಳಿಗೆ ಯಾವ ರೀತಿ ಕೊನೆಗಾಣಿಸುತ್ತಾರೆ ಎಂದು ಕಾದು ನೋಡಬೇಕಾಗಿದೆ.
ವರದಿ – ಸಂದೇಶ್ ನಾಯ್ಕ
