ಕನ್ನಡನಾಡು ಸಿರಿಗನ್ನಡನಾಡು ವೈಭವದ ನಾಡು ಸಿರಿ ಮೆರೆದ ನಾಡು ।।ಪ।।
ನೋಡಿ ನಲಿ ಈ ಗಂಧದ ನಾಡು ಸಾಧು ಸಂತರ ಶಿವಶರಣರ ನಾಡು
ಹೊನ್ನಿಗೆ ಹೊಗೆಯಾಡಿದ ನಾಡು ಕೃಷ್ಣದೇವರಾಯ ಆಳಿದ ನಾಡು ।।೧।।
ಹರಿಹರ ರಾಘವ ರನ್ನ
ಪಂಪ ಪುರಂದರ ಬಸವಣ್ಣ
ಸರ್ವಜ್ಞ ಉದಯಿಸಿದ ನಾಡು
ಕನ್ನಡಿಗರ ಹೆಮ್ಮೆಯ ನಾಡು ।।೨।।
ಸಂಗೀತ ಸಾಹಿತ್ಯ ಕಲೆಗಳ ಬೀಡು
ಕಣ್ಮನ ತಣಿಸುವ ಬೇಲೂರು ಹಳೆಬೀಡು
ಕನ್ನಡಿಗರ ಈ ಹೆಮ್ಮೆಯ ನಾಡು ನೋಡಬೇಕು ನಮ್ಮ ಕನ್ನಡ ನಾಡು ।।೩।।
ಹಾಡಬೇಕು ಹಾಡಬೇಕು ಸಿರಿಗನ್ನಡ ನಾಡು
ನೋಡಬೇಕು ನೋಡಬೇಕು
ನಮ್ಮೀ ಕನ್ನಡ ನಾಡು ।।೪।।
ಕನ್ನಡನಾಡು ಸಿರಿಗನ್ನಡನಾಡು ವೈಭವದ ನಾಡು ಸಿರಿ ಮೆರೆದ ನಾಡು ।।ಪ।।
ರಚನೆ:ಶ್ರೀಮತಿ ಮಡಿವಾಳ ಮ್ಮ. S.G. (ನಾಡಗೌಡ).ಸ.ಶಿ. G.M. P.S. ಬಳಗಾನೂರ
