ಕಾಂತರಾಜ್ ಆಯೋಗದ ವರದಿ ಜಾರಿಗೆ ಆಗ್ರಹ,ಡಿ 11ರಂದು ತಾಲ್ಲೂಕು ಕಚೇರಿ ಮುಂದೆ ಧರಣಿ:ತೀ.ನ.ಶ್ರೀನಿವಾಸ್

ಭದ್ರಾವತಿ:ಮೀಸಲಾತಿ ಭಿಕ್ಷೆಯಲ್ಲ,ಅದು ಸಂವಿಧಾನ ಬದ್ಧ ಹಕ್ಕು ಎಂಬ ಅಂಬೇಡ್ಕರ್ ರವರ ಆಶಯದಂತೆ ಹೆಚ್.ಕಾಂತರಾಜ ಆಯೋಗದ ವರದಿ ಜಾರಿಗೆ ಆಗ್ರಹಿಸಿ ಡಿ.11ರಂದು ಬೆಳಿಗ್ಗೆ 11 ಗಂಟೆಗೆ ಭದ್ರಾವತಿ ತಾಲ್ಲೂಕು ಕಚೇರಿ ಆವರಣದಲ್ಲಿ ಧರಣಿ ಸತ್ಯಾಗ್ರಹ ನಡೆಸಲಾಗುವುದು ಎಂದು ಶಿವಮೊಗ್ಗ ಜಿಲ್ಲಾ ಹಿಂದುಳಿದ ಜನ ಜಾಗೃತಿ ವೇದಿಕೆ ಅಧ್ಯಕ್ಷ ತೀ.ನ. ಶ್ರೀನಿವಾಸ್ ತಿಳಿಸಿದರು.
ಹಳೆನಗರದ ಪತ್ರಿಕಾ ಭವನದಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ,ರಾಜ್ಯದಲ್ಲಿ ಕಾಂತರಾಜ ಆಯೋಗದ ವರದಿ ಸಲ್ಲಿಕೆಗೆ ಒತ್ತಡ ಹೆಚ್ಚುತ್ತಿದ್ದಂತೆ ಒಂದೆರಡು ಬಲಾಢ್ಯ ಜಾತಿಗಳ ನಾಯಕರು ಹಾಗೂ ಮಠಾಧೀಶರು ಸದರಿ ವರದಿ ಜಾರಿಯಾಗದಂತೆ ಅನೇಕ ಷಡ್ಯಂತ್ರಗಳನ್ನು ಹೆಣೆಯುತ್ತಿದ್ದಾರೆ ಎಂದು ಆರೋಪಿಸಿದರು.
ಪತ್ರಿಕಾಗೋಷ್ಠಿಯಲ್ಲಿ ವೇದಿಕೆ ಗೌರವಾಧ್ಯಕ್ಷ ಪ್ರೊ.ಹೆಚ್.ರಾಚಪ್ಪ,
ಪ್ರೊ.ಸಿ.ಬಿ.ಮನೋಹರಕುಮಾರ್, ಬಿ.ಜನಮೇಜಿರಾವ್,ಆರ್.ಟಿ ನಟರಾಜ್, ಮಹಮ್ಮದ್ ಸನಾವುಲ್ಲ,ಜಿ.ರಾಜು,ಪಿ.ಮೂರ್ತಿ, ಹೆಚ್.ಎಸ್ ಶಂಕರರಾವ್ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.
ವರದಿ:ಕೆ ಆರ್ ಶಂಕರ್ ಭದ್ರಾವತಿ