ಗದಗ ಜಿಲ್ಲಾ ಲಕ್ಷ್ಮೇಶ್ವರ ಪಟ್ಟಣದಲ್ಲಿ ಇಂದು ಹಲವು ಬೇಡಿಕೆಗಳನ್ನು ಮುಂದಿಟ್ಟುಕೊಂಡು ಪ್ರತಿಭಟನೆ ನಡೆಸಲಾಯಿತು.ಈ ಪ್ರತಿಭಟನೆಯ ಮುಂದಾಳತ್ವವನ್ನು ಬೀದಿಬದಿ ವ್ಯಾಪಾರಸ್ಥ ಸಂಘದ ತಾಲೂಕ ಅಧ್ಯಕ್ಷರಾದ ಶ್ರೀ ಮಂಜುನಾಥ.ಬ.ಹೊಗೆಸೊಪ್ಪಿನ ವಹಿಸಿಕೊಂಡು ನಮ್ಮ ಬೀದಿ ಬದಿ ವ್ಯಾಪಾರಸ್ಥರ ಜೀವನಕ್ಕೆ ನೆರವಾಗುವಂತಹ ಬೇಡಿಕೆಗಳು ಈಡೇರುವವರೆಗೂ ನಮ್ಮ ಹೋರಾಟ ನಿಲ್ಲದು ಮತ್ತು ನಮ್ಮ ವ್ಯಾಪಾರಸ್ಥರಿಗೆ ಪೂರ್ಣ ಪ್ರಮಾಣದ ಪಟ್ಟಣ ಮಾರಾಟ ಸಮಿತಿ ರಚನೆ ಮಾಡಬೇಕು,ಬೀದಿ ಬದಿ ವ್ಯಾಪಾರಸ್ಥರಿಗೆ ವ್ಯಾಪಾರದ ಜಾಗ ಗುರುತುಪಡಿಸಿರುವುದಿಲ್ಲ,ಪಟ್ಟಣ ಮಾರಾಟ ಸಮಿತಿಗೆ ಕೋಟ್ಯಂತರ ಅನುದಾನ ಬಳಕೆ ಆಗದೆ ಸರ್ಕಾರಕ್ಕೆ ವಾಪಸ್ ಹೋಗುತ್ತಿದೆ ಅಲ್ಲದೆ ನಮ್ಮ ಜೀವನಕ್ಕೆ ಜೀವವಿಮೆ,ಆರೋಗ್ಯ ತಪಾಸಣೆ ಸೌಲಭ್ಯ ನೀಡಬೇಕು ಎಂದು ಆಗ್ರಹಿಸಿದರು. ಪ್ರತಿಭಟನೆಯಲ್ಲಿ ಶ್ರೀ ಪರಶುರಾಮ ಬಳ್ಳಾರಿ,ಶ್ರೀ ಹನಮಂತ ರಾಮಗೇರಿ,ಶ್ರೀ ಮಂಜುನಾಥ ಬಸಾಪುರ,ಶ್ರೀ ಮಬೂಸಾಬ್ ಸುಂಡಕೆ,ಶ್ರೀಮತಿ ಸೋಮವ್ವ ಬೆಟಗೇರಿ,ಶ್ರೀ ರಾಜೇಸಾಬ್ ಮುಲ್ಲಾನವರ,ಶ್ರೀ ಮುನಿರಸಾಬ್ ಸಿದ್ದಾಪುರ,ಶ್ರೀ ಲಕ್ಷ್ಮಣ ಮುಳಗುಂದ,ಶ್ರೀ ಶಬ್ಬೀರ ಅಹಮದ ಶಿರಹಟ್ಟಿ,ಶ್ರೀ ಬಸಿರಸಾಬ್ ಬಾಗಲಕೋಟ ಮುಂತಾದವರು ಭಾಗವಹಿಸಿದ್ದರು.
ವರದಿ-ಸದಾಶಿವ ಭೀಮಪ್ಪ ಮುಡೆಮ್ಮನವರ
