ಬೀದರ್/ಚಿಟಗುಪ್ಪಾ:ಸಾವಯವ ಪದ್ಧತಿಯಲ್ಲಿ ಬೆಳೆದ ಬೆಳೆಗಳಿಗೆ ಹೆಚ್ಚಿನ ಬೇಡಿಕೆ ಇರುವುದರಿಂದ ಸಾವಯವ ಕೃಷಿಗೆ ಹೆಚ್ಚಿನ ಆದ್ಯತೆ ನೀಡಬೇಕು ಎಂದು ಸಾವಯವ ಕೃಷಿ ಪರಿವಾರದ ರಾಜ್ಯ ನಿರ್ದೇಶಕ ಸತೀಶ್ ನನ್ನೊರೆ ಹೇಳಿದರು.
ತಾಲೂಕಿನ ಬನ್ನಳ್ಳಿ ಗ್ರಾಮದ ಹಣಮಂತರಾವ ಪಾಟೀಲ ರವರ ಹೊಲದಲ್ಲಿ ಶ್ರೀ ವೀರಭದ್ರೇಶ್ವರ ಸಾವಯವ ಕೃಷಿ ಪರಿವಾರದ ವತಿಯಿಂದ ಆಯೋಜಿಸಿದ್ದ ರೈತ ದಿನಾಚರಣೆ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಅವರು ಸಾವಯವ ಕೃಷಿಯು ಸಣ್ಣ ಮತ್ತು ಅತಿ ಸಣ್ಣ ರೈತರಿಗೆ ಅಗ್ಗದ ಕೃಷಿ ತಂತ್ರಜ್ಞಾನವಾಗಿದೆ.ಸಾಂಪ್ರದಾಯಿಕ ತಂತ್ರಜ್ಞಾನಕ್ಕಿಂತ ಭಿನ್ನವಾಗಿ,ಇದಕ್ಕೆ HYV ಬೀಜಗಳು,ಕೀಟನಾಶಕಗಳು, ರಾಸಾಯನಿಕ ಗೊಬ್ಬರಗಳು ಮುಂತಾದ ದುಬಾರಿ ಒಳಹರಿವಿನ ಅಗತ್ಯವಿಲ್ಲ ಎಂದರು.
ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತರು,ಸಾವಯವ ಕೃಷಿಕರಾದ ಗುರುಲಿಂಗಪ್ಪ ಮೆಲದೊಡ್ಡಿ ಮಾತನಾಡಿ ರಾಸಾಯನಿಕ ಕೃಷಿಗೆ ಹೋಲಿಸಿದರೆ ಸಾವಯವ ಕೃಷಿಯು ಆರೋಗ್ಯಕರ ಮತ್ತು ರುಚಿಯಾದ ಆಹಾರವನ್ನು ನೀಡುತ್ತದೆ.ಸಂಯುಕ್ತ ಕೃಷಿಯ ಆಹಾರಕ್ಕಿಂತ ನೈಸರ್ಗಿಕವಾಗಿ ಅಭಿವೃದ್ಧಿಪಡಿಸಿದ ಆಹಾರವು ಹೆಚ್ಚು ಪೌಷ್ಟಿಕವಾಗಿದೆ ಎಂದು ಹೇಳಿದರು.
ಸಾವಯವ ಕೃಷಿ ಪರಿವಾರದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಸಂಗಮೇಶ ಎನ್ ಜವಾದಿ ಮಾತನಾಡಿ
ಸಾವಯವ ಕೃಷಿಯು ಸುಸ್ಥಿರ ಕೃಷಿ ವ್ಯವಸ್ಥೆಯಾಗಿದ್ದು.
ಇದು ಭೂಮಿಯ ದೀರ್ಘಕಾಲಿಕ ಫಲವತ್ತತೆಯನ್ನು ಕಾಪಾಡುತ್ತದೆ.ಉತ್ತಮ ಗುಣಮಟ್ಟದ ಪೌಷ್ಟಿಕ ಆಹಾರವನ್ನು ಉತ್ಪಾದಿಸಲು ಸೀಮಿತ ಭೂ ಸಂಪನ್ಮೂಲಗಳನ್ನು ಬಳಸುತ್ತದೆ.ಜೈವಿಕ ತಂತ್ರಜ್ಞಾನದ ಅಭಿವೃದ್ಧಿ,ಬಹು ವಿಜ್ಞಾನಗಳ ಜ್ಞಾನ,ಬೆಳೆ ತಳಿ, ಪಶುಸಂಗೋಪನೆ ಮತ್ತು ಪರಿಸರ ವಿಜ್ಞಾನ ಇತ್ಯಾದಿಗಳ ಸಂಯೋಜಿತ ಫಲಿತಾಂಶವೇ ಈ ಸಾವಯವ ಕೃಷಿಯಾಗಿದೆ ಈ ನಿಟ್ಟಿನಲ್ಲಿ ಸಾವಯವ ಕೃಷಿ ಪರಿವಾರವು ರೈತರ ಅಭ್ಯುದಯಕ್ಕಾಗಿ ಹಗಲಿರುಳು ದುಡಿಯುತ್ತಿದೆ ಎಂದರು.
ಜಿಲ್ಲಾ ಸಾವಯವ ಕೃಷಿ ಪರಿವಾರದ ನಿರ್ದೇಶಕ ಸಿದ್ದಣ್ಣ ಬೂಶೆಟ್ಟಿ ಮಾತನಾಡಿ ಸಾವಯವ ಕೃಷಿಯು ಮರಗಳು ಮತ್ತು ಕಾಡು ಪ್ರಾಣಿಗಳ ವೈವಿಧ್ಯತೆಯನ್ನು ಸಂರಕ್ಷಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ ಎಂದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ,ತಾಲೂಕು ಕೃಷಿ ಪರಿವಾರದ ಅಧ್ಯಕ್ಷ ಹಣಮಂತರಾವ ಪಾಟೀಲ ಮಾತನಾಡಿ ಈ ಸಂದರ್ಭದಲ್ಲಿ ಪ್ರಗತಿಪರ ಕೃಷಿಕರಾದ ಪ್ರಕಾಶ್ ಕೋರಿ ಬೆಳಕೇರಾ,ಗೋಪಾಲರಡ್ಡಿ ಕೊಡಂಬಲ,ಮಲ್ಲಿಕಾರ್ಜುನ ಭೂರನಾಪುರ ಕೊಡಂಬಲ,ಶಿವಕುಮಾರ ಹಲಬರ್ಗಾ ನೀರ್ಣಾವಾಡಿ, ರಾಮರೆಡ್ಡಿ ಚೌಲಾ ಬನ್ನಳ್ಳಿ ರೈತರಿಗೆ ಗೌರವ ಸನ್ಮಾನ ಮಾಡಲಾಯಿತು.
ಕಾರ್ಯಕ್ರಮದಲ್ಲಿ ಶಿವಕುಮಾರ ಹುಣಚಗೇರಾ, ರಾಮರಾವ್ ಕುಲಕರ್ಣಿ,ಕಾಶಿನಾಥ ಚಿಕ್ಕಪಾಟೀಲ,
ರವಿ ನಿಂಗಣ್ಣಿ,ಅಜೀತ ಪಾಟೀಲ,ಕಾಶಿನಾಥ ಸಲಗರ, ಮಂಜುನಾಥ,ಬಸವರಾಜ ಬಿದಿ ಸೇರಿದಂತೆ ಸಾವಯವ ಪರಿವಾರದ ಪದಾಧಿಕಾರಿಗಳು ಉಪಸ್ಥಿತರಿದ್ದರು.
