ಮುಂಡಗೋಡ ತಾಲೂಕಿನ ಮಜ್ಜಿಗೆರಿ ಗ್ರಾಮದ 16 ವರ್ಷದ ಯುವತಿಗೆ ಕೋವಿಡ್ ದೃಢವಾದ ಪ್ರಕರಣ ಕಾರವಾರದ ಜಿಲ್ಲಾ ಪ್ರಯೋಗಾಲಯದ ಅಧಿಕೃತ ವರದಿಯಾಗಿದೆ.ಸದರಿಯವರು ಮೊರಾರ್ಜಿ ಹಾಸ್ಟೆಲ್ ಜಾತನಾಳ ಗ್ರಾಮ ಹಾನಗಲ್ ತಾಲೂಕು ಹಾವೇರಿ ಜಿಲ್ಲೆಯಲ್ಲಿ ಓದುತ್ತಿದ್ದು,ಸದರಿಯವರಿಗೆ 2-3 ದಿನಗಳಿಂದ ಜ್ವರ ನೆಗಡಿ ಕೆಮ್ಮು ಲಕ್ಷಣಗಳು ಕಂಡು ಬಂದಿದ್ದು ಮುಂಡಗೋಡ ತಾಲೂಕು ಆಸ್ಪತ್ರೆಯಲ್ಲಿ ಚಿಕಿತ್ಸೆಗಾಗಿ ಬಂದಾಗ ವೈದ್ಯರು ಕೋವಿದ್ 19 ಪರೀಕ್ಷೆ ಗೆ ಒಳಪಡಿಸಿದ್ದರು ದಿನಾಂಕ 27/12/2023 ರಂದು ಕಾರವಾರ ಜಿಲ್ಲಾ ಪ್ರಯೋಗಾಲಯಕ್ಕೆ ಮಾದರಿಯನ್ನು ಕಳುಹಿಸಲಾಗಿತ್ತು,ಸದರಿ ವರದಿಯನ್ನು ದಿನಾಂಕ 30/12/2023 ಸದರಿ ವರದಿಯನ್ನು ಪಾಸಿಟಿವ್ ಎಂದು ವರದಿ ಮಾಡಿದ್ದಾರೆ,ಸದರಿಯವರ ಮನೆಗೆ ವೈದ್ಯರು ಹಾಗೂ ಸಿಬ್ಬಂದಿಗಳು ಭೇಟಿ ನೀಡಿ ಅವರಿಗೆ ಚಿಕಿತ್ಸೆಯನ್ನು ನೀಡಿ 7 ದಿನಗಳ ಕಾಲ ಹೋಂ ಐಸೋಲೇಷನ್ ನಲ್ಲಿ ಇರುವಂತೆ ತಿಳಿಸಲಾಗಿದ್ದು ಹಾಗೂ ಅವರ ಮನೆಯವರಿಗೆ ಹಾಗೂ ನೆರೆ ಹೊರೆಯವರಿಗೆ ಲಕ್ಷಣಗಳು ಕಂಡು ಬಂದರೆ ಶೀಘ್ರ ಮುಂಜಾಗ್ರತೆ ಕ್ರಮ ಕೈಗೊಂಡು ಆಸ್ಪತ್ರೆಗೆ ಭೇಟಿ ನೀಡುವಂತೆ ತಿಳಿಸಲಾಗಿದೆ ಎಂದು ತಾಲೂಕ ಆಸ್ಪತ್ರೆ ಆಡಳಿತ ವೈದ್ಯಾಧಿಕಾರಿಗಳು ಕರುನಾಡ ಕಂದ ಪತ್ರಿಕೆಗೆ ಮಾಹಿತಿ ನೀಡಿರುತ್ತಾರೆ.
