ಬೀದರ:ಬಸವ ತತ್ವ ಪ್ರಚಾರಕರು,ಪರಿಸರ ಸಂರಕ್ಷಕರು,ಹೋರಾಟಗಾರರು,ಪ್ರಗತಿಪರ ಚಿಂತಕರು, ಸಾಂಸ್ಕೃತಿಕ ಸಂಘಟಕರು,ನಾಡು ನುಡಿ ನೆಲ ಜಲ ಭಾಷೆಗಾಗಿ ಹಗಲಿರುಳು ದುಡಿಯುತ್ತಿರುವ ಶರಣ ಸಂಗಮೇಶ ಎನ್ ಜವಾದಿ ರವರನ್ನು ಜಿಲ್ಲಾ ಶರಣ ಸಾಹಿತ್ಯ ಪರಿಷತ್ತಿನ ನೂತನ ಗೌರವ ಕಾರ್ಯದರ್ಶಿ ಯನ್ನಾಗಿ ನೇಮಕಾತಿ ಮಾಡಲಾಗಿದೆ ಎಂದು ತಿಳಿಸಿದರು.
ಸಂಗಮೇಶ ಎನ್ ಜವಾದಿ ರವರು
ಈ ಹಿಂದೆ ಜಿಲ್ಲಾ ಯುವ ಘಟಕದ ಅಧ್ಯಕ್ಷರಾಗಿ, ಚಿಟಗುಪ್ಪ ತಾಲೂಕಾಧ್ಯಕ್ಷರಾಗಿ ತನು ಮನದಿಂದ ಶ್ರಮಿಸಿದ್ದಾರೆ.ಇವರ ಸಾಹಿತ್ಯ ಸೇವೆ ಅಪಾರವಾದದ್ದು, ಜಿಲ್ಲೆಯಲ್ಲಿ ಶರಣ ಸಾಹಿತ್ಯ ಬೆಳೆಸುವಲ್ಲಿ ಇವರ ಕೊಡುಗೆ ದೊಡ್ಡದು ನಿರಂತರವಾಗಿ ದುಡಿಯುವ ಸೇವಕರು.ನ್ಯಾಯ,ನಿಷ್ಠೆ,ಶ್ರದ್ಧೆ,ದಕ್ಷತೆಗೆ ಮತ್ತು ಪ್ರಾಮಾಣಿಕ ಸೇವೆಗೆ ಹೆಸರಾದವರು ಜವಾದಿಯವರು.ಅದಕ್ಕಾಗಿ ಇವರ ಪರಿಶ್ರಮ ಗುರುತಿಸಿ ಶರಣ ಸಂಗಮೇಶ ಎನ್ ಜವಾದಿ ಯವರನ್ನು ಜಿಲ್ಲಾ ಶರಣ ಸಾಹಿತ್ಯ ಪರಿಷತ್ತಿನ ಗೌರವ ಕಾರ್ಯದರ್ಶಿಯನ್ನಾಗಿ ನೇಮಕಾತಿ ಮಾಡಲಾಗಿದೆ.
ಇವರ ನೇಮಕಾತಿ ಮಾಡಲು ಜಿಲ್ಲಾ ಶರಣ ಸಾಹಿತ್ಯ ಪರಿಷತ್ತಿನ ಪದಾಧಿಕಾರಿಗಳಿಗೆ ಬಹಳ ಸಂತೋಷ ಎನಿಸುತ್ತಿದೆ.ಈ ತಕ್ಷಣವೇ ಇವರು ತಮ್ಮ ಜವಾಬ್ದಾರಿಯನ್ನು ವಹಿಸಿಕೊಂಡು ಸಾಹಿತ್ಯ ಪರಿಷತ್ ಸಂಘಟನೆಯಲ್ಲಿ ತೊಡಗಿಸಿಕೊಳ್ಳಬೇಕು.ಈ ಮೂಲಕ ಶರಣ ಸಾಹಿತ್ಯ ಬೆಳೆಸುವಲ್ಲಿ ತನು ಮನದಿಂದ ಶ್ರಮಿಸಬೇಕೆಂದು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
