ಶಿವಮೊಗ್ಗ:ಮಾಜಿ ವಿಧಾನಪರಿಷತ್ ಸದಸ್ಯರೂ, ಬಿಜೆಪಿಯ ಹಿರಿಯ ಮುಖಂಡರೂ ಆಗಿದ್ದ ಎಂ.ಬಿ. ಭಾನುಪ್ರಕಾಶ್ ಅವರ ನಿಧನಕ್ಕೆ ಶಿವಮೊಗ್ಗದ ಖ್ಯಾತ ಉದ್ಯಮಿ ಸುರೇಶ್ ಬಾಳೆಗುಂಡಿ ಅವರು ಸಂತಾಪ ಸೂಚಿಸಿದ್ದಾರೆ.
ತಾವು ಪ್ರೈವೇಟ್ ಎಂಪ್ಲಾಯ್‌ಮೆಂಟ್ ಬ್ಯೂರೋ ಆರಂಭಿಸಿದ ಸಂದರ್ಭದಲ್ಲಿ ತಮಗೆ ಆರ್ಥಿಕ ಸಂಕಷ್ಟ ಎದುರಾದ ಹಂತದಲ್ಲಿ ಹೃದಯವಂತ ವ್ಯಕ್ತಿತ್ವದ ಭಾನುಪ್ರಕಾಶ್ ಅವರು ಆರ್ಥಿಕ ನೆರವು ಒದಗಿಸಿದ್ದನ್ನು ಸ್ಮರಿಸಿರುವ ಸುರೇಶ್ ಬಾಳೆಗುಂಡಿ ಅವರು, ತಮ್ಮ ಸಂಸ್ಥೆ ಇಂದು ಮೇಲ್ಮಟ್ಟದಲ್ಲಿ ಬೆಳೆಯುವಲ್ಲಿ ಸಹಕಾರಿಯಾಗಿದ್ದನ್ನು ನೆನಪಿಸಿದ್ದಾರೆ. ಅದೇ ರೀತಿ ಗುಡ್ಡೇಮರಡಿ ಸೌಹಾರ್ದ ಸಹಕಾರಿಗೆ ತಮ್ಮನ್ನು ನಿರ್ದೇಶಕರನ್ನಾಗಿ ಮಾಡುವಲ್ಲಿ ಹಾಗೂ ಸದರಿ ಸೌಹಾರ್ದ ಸಹಕಾರಿಯ ಪ್ರಗತಿಯಲ್ಲಿ ಭಾನುಪ್ರಕಾಶ್ ಪಾತ್ರವನ್ನು ಸ್ಮರಿಸಿರುವ ಅವರು, ಆ ಪರಮಾತ್ಮನು ಅವರ ದಿವ್ಯಾತ್ಮಕ್ಕೆ ಚಿರಶಾಂತಿ ನೀಡಲಿ ಹಾಗೂ ಅವರ ಕುಟುಂಬವರ್ಗಕ್ಕೆ ಅಗಲಿಕೆಯ ನೋವು ಭರಿಸುವ ಶಕ್ತಿ ನೀಡಲೆಂದು ಪ್ರಾರ್ಥಿಸಿದ್ದಾರೆ.
ವರದಿ:ಕೊಡಕ್ಕಲ್ ಶಿವಪ್ರಸಾದ್
