ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಶುಭಾಶಯಗಳು

ಬಾಲೆಯ ಬಾಳಿ ಬೆಳಗಲಿ

ಹೆಣ್ಣು ಹುಟ್ಟಿತ್ತೆಂದು ಹೆಣಗಾಡುವಿರಾ!!?
ಹೆಣ್ಣೆತ್ತವಳೆಂದು ಅಣಕಿಸುವಿರಾ!!?
ಹುಟ್ಟವ ಮುನ್ನವೇ ಹೆಣ್ಣೆಂದು ಹೊಸಕಿ ಹಾಕುವಿರಾ!?
ನಿಮ್ಮ ಹೆತ್ತವಳು ಹೆಣ್ಣಲ್ಲವೇ?..
ನಿಮಗೆ ಒಲವಿನ ತೃಷೆಯ ತಣಿಸಿದವಳು ಹೆಣ್ಣಲ್ಲವೇ?
ಮಹಿಳೆ ಇಳೆಯಂತೆ ತ್ಯಾಗಗುಣಿ
ಹೊಂದಿಕೊಂಡರೆ ನಮ್ರತೆ ನಾರಿಮಣಿ
ಎಲ್ಲ ಕ್ಷೇತ್ರದಿ ಸಾಧಿಸುತಿಹ ಅಗ್ರಗಣಿ
ಮುಟ್ಟಿನ ನೆಪದಿ ಸೂತಕ ಹಣೆಪಟ್ಟಿ ಕಟ್ಟಬೇಡಿರಿ
ಅದು ಜೈವಿಕ ಕ್ರಿಯೆಯೆಂದರಿಯಿರಿ
ಅತ್ಯಾಚಾರ ಅಟ್ಟಹಾಸದಿ ಮಾಡಬೇಡಿರಿ ಹಾಳು
ಹೆಣ್ಣೇ ಹೆಣ್ಣೆಗೆ ಶತ್ರುವಾದರೆ ಶೋಚನೀಯಳು
ಶೋಷಣೆಗೈದು ಕೊಡುವಿರೇಕೆ ಗೋಳು
ಹೊತ್ತೊತ್ತಿಗೆ ಕೊಡುವಳು ಕೂಳು
ನೆಮ್ಮದಿಲಿ ಅರಳಲಿ ಅವಳ ಬಾಳು
ತೊಟ್ಟಿಲು ತೂಗಬಲ್ಲಳು
ನಾಡನ್ನು ಮುನ್ನೆಡೆಸುವಳು
ಒಳಗೂ ಹೊರಗೂ ದಣಿವರಿಯದೆ ದುಡಿವಳು
ಮನೆ ಮನವ ಬೆಳಗುವಳು
ಹೆಣ್ಣು ಜಗದ ಕಣ್ಣವಳು

✍️ ಭವ್ಯ ಸುಧಾಕರ ಜಗಮನೆ, ಶಿವಮೊಗ್ಗ