ದಾಸ ಶ್ರೇಷ್ಠ ಶ್ರೀ ಕನಕ ದಾಸರ ಜಯಂತಿ ಆಚರಣೆ.

ಚಾಮರಾಜನಗರ/ಹನೂರು :
ತಾಲೂಕು ಆಡಳಿತ ಹಾಗೂ ರಾಷ್ಟ್ರೀಯ ಹಬ್ಬಗಳ ಆಚರಣಾ ಸಮಿತಿ ವತಿಯಿಂದ ಇಂದು ಏರ್ಪಡಿಸಿದ್ದ ಕನಕದಾಸರ ಜಯಂತಿ ಆಚರಣೆಯನ್ನು ಹನೂರು ಪಟ್ಟಣದ ಲೋಕೋಪಯೋಗಿ ಅತಿಥಿ ಗೃಹದಲ್ಲಿ ಶಾಸಕ ಎಂ.ಆರ್. ಮಂಜುನಾಥ್ ಭಾಗವಹಿಸಿ ಕನಕದಾಸರ ಭಾವ ಚಿತ್ರಕ್ಕೆ ಪುಷ್ಪಾರ್ಚನೆ ಮಾಡಿದರು ನಂತರ ಪ್ರಮುಖ ಅಧಿಕಾರಿಗಳು ಹಾಗೂ ಮುಖಂಡರು ಕನಕದಾಸರ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಮಾಡಿದರು ನಂತರ ಶಾಸಕರು ಮಾತನಾಡಿ , ಕನಕ ದಾಸರು ಹಾವೇರಿ ಜಿಲ್ಲೆಯ ಬಾಡ ಗ್ರಾಮದಲ್ಲಿ 16ನೇ ಶತಮಾನದಲ್ಲಿ ಜನಿಸಿದರು. ತಾವು ಸಮಾಜದಲ್ಲಿನ ಜಾತಿ-ಕುಲ ವ್ಯತ್ಯಾಸವನ್ನು ಎದುರಿಸಲು ತಮ್ಮ ದಾಸ ಸಾಹಿತ್ಯದ ಮೂಲಕ ಶ್ರಮಿಸಿದರು. ‘ಕುಲ ಕುಲವೆಂದು ಹೊಡೆದಾಡದಿರಿ’ ಎಂದು ಕನಕದಾಸರ ಕೀರ್ತನೆಗಳಲ್ಲಿ ಕೇಳಬಹುದು.ದಾಸ ಸಾಹಿತ್ಯದ ಮೂಲಕ ಕನಕದಾಸರು ಜಾತಿ-ಮತ-ಕೆಳ-ಮೇಲುಭಾವವನ್ನು ಅಳಿಸಿ ಸಮಾನತೆ ಮತ್ತು ನೈತಿಕತೆಯ ಸಂದೇಶವನ್ನು ಹರಡಿದರು. ಅವರು ರಾಮಧಾನ್ಯ ಚರಿತೆ, ನರಸಿಂಹ ತವ, ಹರಿಭಕ್ತಿಸಾರ ಹಾಗೂ ಮೋಹನ ತರಂಗಿಣಿ ಸೇರಿದಂತೆ ಅನೇಕ ಮಹತ್ವದ ಕಾವ್ಯಗಳನ್ನು ರಚಿಸಿದರು. ಅವರ ಬದುಕು ನಮ್ಮೆಲ್ಲರಿಗಾಗಿ ಪ್ರೇರಣೆಯಾಗಿರಲಿ. ಅವರ ತತ್ವದಿಂದ ಪ್ರೇರಿತರಾಗಿ ನಾವೆಲ್ಲರೂ ಸಮಾಜದಲ್ಲಿ ಸಹಾನುಭೂತಿ, ಪ್ರೀತಿ ಮತ್ತು ಸಾಮರಸ್ಯವನ್ನು ಬೆಳೆಸೋಣ. ನಮ್ಮ ರಾಜ್ಯ ಸರ್ಕಾರ ಪ್ರತಿ ವರ್ಷ ಶ್ರೀ ಕನಕದಾಸ ಜಯಂತಿಯನ್ನು ರಾಜ್ಯ ರಜಾದಿನವಾಗಿ ಘೋಷಿಸಿ, ಎಲ್ಲೆಡೆ ಗೌರವದಿಂದ ಈ ದಿನವನ್ನು ಆಚರಿಸುತ್ತಿದೆ. ಮಹಾನ್ ದಾಸರ ಉಪದೇಶಗಳು ನಮ್ಮೆಲ್ಲರ ಜೀವನದಲ್ಲಿ ಬೆಳಕಾಗಿ ಜಗಮಾಡಲಿ ಎಂದು ಆಶಿಸುತ್ತೇನೆ. ನೀವು ಎಲ್ಲರೂ ಈ ದಿನವನ್ನು ಸಮರ್ಥವಾಗಿ ಆಚರಿಸಿ, ಕನಕದಾಸರ ಆಧ್ಯಾತ್ಮಿಕ ಸಂದೇಶವನ್ನು ಹಿರಿಯರಿಗೂ, ಮಕ್ಕಳಿಗೂ ತಿಳಿಸಿ.” ಎಂದರು.

ಇದೇ ಸಮಯದಲ್ಲಿ ತಾಲೂಕು ದಂಡಧಿಕಾರಿ ಚೈತ್ರಾ, ಬಿ ಇ ಓ ಮಹೇಶ್, ಪೊಲೀಸ್ ಇನ್ಸ್ ಪೆಕ್ಟರ್ ಆನಂದ್ ಮೂರ್ತಿ, ಹಾಗೂ ಸಮಾಜದ ಮುಖಂಡರುಗಳಾದ ಶಿವಪ್ಪ,ಮಂಜು, ಮಲ್ಲಣ್ಣ, ಟೈಲರ್ ಮಹದೇವ್, ಚಂದ್ರಮುರಳಿ, ಬೋಲ್ಮಲ್ಲೆಗೌಡ ಮಹದೇವ್ ಸ್ವಾಮಿಯಾನ, ನಾಗರಾಜ್ ಹಾಗೂ ಇನ್ನಿತರ ಮುಖಂಡರುಗಳು ಇದ್ದರು.

ವರದಿ :ಉಸ್ಮಾನ್ ಖಾನ್