ಕರುನಾಡ ಕಂದ ವರದಿಯ ಫ಼ಲಶೃತಿ ಧೂಳು ಕೊಡವಿ ಕೆಲಸಕ್ಕೆ ನಿಂತ ಟಾಟಾ ಏಸ್:ಸಾರ್ವಜನಿಕರ ಮೆಚ್ಚುಗೆ

ಉತ್ತರ ಕನ್ನಡ/ಮುಂಡಗೋಡ:”ಕೆಟ್ಟು ನಿಂತ ಟಾಟಾ ಏಸ್ ವಾಹನಗಳು,ಸರ್ಕಾರದ ಹಣ ಪೋಲು”ಎನ್ನುವ ತಲೆಬರಹದಲ್ಲಿ ಕರುನಾಡ ಕಂದ ಮಾರ್ಚ್ ೧೬ ರ ಸಂಚಿಕೆ ಹಾಗೂ www.karunadakanda.com ಲಿ ಸುದ್ದಿ ಪ್ರಕಟವಾಗಿತ್ತು. ಪಟ್ಟಣ ಪಂಚಾಯ್ತಿ ಮುಂಡಗೋಡ ಆವರಣದಲ್ಲಿ ಸಾಕಷ್ಟು ದಿನಗಳಿಂದ ಕೆಟ್ಟು ನಿಂತಿದ್ದ ಸರ್ಕಾರದ ಅನುದಾನಗಳ ಅಡಿಯಲ್ಲಿ ಪಡೆಯಲಾದ ಟಾಟಾ ಏಸ್ ವಾಹನಗಳ ದುಸ್ಥಿತಿ ಬಗ್ಗೆ ವರದಿ ಮಾಡಿತ್ತು, ಈ ಬಗ್ಗೆ ಎಚ್ಚೆತ್ತ ಪಟ್ಟಣ ಪಂಚಾಯ್ತಿ ಅಧಿಕಾರಿಗಳು ಅವುಗಳಲ್ಲಿ ಎರಡು ವಾಹನಗಳನ್ನು ದುರಸ್ತಿ ಮಾಡಿ ಸೇವೆಗೆ ಬಳಸಿಕೊಳ್ಳುತ್ತಿದ್ದು,ಅಧಿಕಾರಿಗಳನ್ನು ಎಚ್ಚರಿಸಿ ಸಮಸ್ಯೆ ಬಗ್ಗೆ ಬೆಳಕು ಚೆಲ್ಲಿದ ಕುರಿತು ಸಾರ್ವಜನಿಕರು ಕರುನಾಡ ಕಂದ ಪತ್ರಿಕೆ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನು  ಆಡುತ್ತಿದ್ದಾರೆ.

-ಕರುನಾಡ ಕಂದ