ಮಣಿಪುರದಲ್ಲಿ ಹಿಂದುತ್ವವಾದಿಗಳ ಪಿತೂರಿ ಹಾಗೂ ಷಡ್ಯಂತ್ರದಿಂದ ಎರಡು ಬುಡಕಟ್ಟು ಜನಾಂಗೀಯ ಗುಂಪುಗಳ ನಡುವೆ ನಡೆಯುತ್ತಿರುವ ಘರ್ಷಣೆ ಮುಂದುವರೆದಿದೆ. ಬಿಜೆಪಿಯ ಫ್ಯಾಸಿಸ್ಟ್ ಆಡಳಿತದಿಂದ ಫ್ಯಾಸಿಸ್ಟ್ ಧ್ರುವೀಕರಣದ ಭಾಗವಾಗಿ ಪ್ರಚೋದಿಸಲ್ಪಟ್ಟ ಮೈಟೆ ಮತ್ತು ಕುಕಿ ಬುಡಕಟ್ಟು, 120 ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ ವರದಿಯೊಂದಿಗೆ ವಿನಾಶಕಾರಿ ಜೀವಹಾನಿಗೆ ಕಾರಣವಾಯಿತು. ಆಂತರಿಕ ಸ್ಥಳಾಂತರವನ್ನು ಸೃಷ್ಟಿಸುವ ಮೂಲಕ ಸಾವಿರಾರು ಜನರನ್ನು ತಮ್ಮ ಮನೆಗಳಿಂದ ಪಲಾಯನ ಮಾಡುವಂತೆ ಒತ್ತಾಯಿಸಿತು.ಈಗ, ಮಣಿಪುರದ ಇತ್ತೀಚಿನ ಸಾಮೂಹಿಕ ಅತ್ಯಾಚಾರ ಮತ್ತು 2 ಕುಕಿ ಮಹಿಳೆಯರ ಬೆತ್ತಲೆ ಮೆರವಣಿಗೆಯಿಂದ ಪರಿಸ್ಥಿತಿ ಹೇಗೆ ಹದಗೆಟ್ಟಿದೆ ಎಂಬುದನ್ನು ನಾವು ನೋಡಬಹುದು.ಮೇ 4 ರಂದು ಮಣಿಪುರದ ಕಾಂಗ್‌ಪೋಕ್ಪಿ ಜಿಲ್ಲೆಯ ಬಿ ಫೈನೋಮ್ ಗ್ರಾಮದಲ್ಲಿ ಕುಕಿ-ಜೋ ಬುಡಕಟ್ಟಿನ ಇಬ್ಬರು ಮಹಿಳೆಯರನ್ನು ಬಲವಂತವಾಗಿ ಪಟ್ಟೆ ಬಿಚ್ಚಿ,ಜನಸಮೂಹದಿಂದ ಬೆತ್ತಲೆಯಾಗಿ ಮೆರವಣಿಗೆ ಮಾಡಲಾಯಿತು ಮತ್ತು ಸಾಮೂಹಿಕ ಅತ್ಯಾಚಾರ ನಡೆಸಲಾಯಿತು. ಎಫ್‌ಐಆರ್‌ನ ಪ್ರಕಾರ,ಸುಮಾರು 800-1000 ಸಂಖ್ಯೆಯ ಜನಸಮೂಹವು ಇಬ್ಬರು ಮಹಿಳೆಯರ ಕುಟುಂಬದ ಇಬ್ಬರು ಸದಸ್ಯರನ್ನು ಸಹ ಹತ್ಯೆ ಮಾಡಿದೆ. ಹಿಂಸಾಚಾರದ ಮೊದಲ ಕೆಲವು ದಿನಗಳಲ್ಲಿ ಮಣಿಪುರದಲ್ಲಿ ಇಂತಹ ಲೆಕ್ಕವಿಲ್ಲದಷ್ಟು ಹೇಯ, ಮಹಿಳಾ ವಿರೋಧಿ,ಪ್ರಜಾಪ್ರಭುತ್ವ ವಿರೋಧಿ ಘಟನೆಗಳು ನಡೆದಿವೆ.
ಮಹಿಳೆಯರು ಮತ್ತು ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯವು ಮಾನವ ಇತಿಹಾಸದಲ್ಲಿ ಯಾವಾಗಲೂ ಸಂಘರ್ಷಗಳು,ಯುದ್ಧಗಳು ಮತ್ತು ಗಲಭೆಗಳ ಭಾಗವಾಗಿದೆ.ದಲಿತರು,ಆದಿವಾಸಿಗಳು,ಧಾರ್ಮಿಕ, ಭಾಷಿಕ ಮತ್ತು ಜನಾಂಗೀಯ ಅಲ್ಪಸಂಖ್ಯಾತರು ಸೇರಿದಂತೆ ತುಳಿತಕ್ಕೊಳಗಾದ ಜನಸಾಮಾನ್ಯರನ್ನು ಅವಮಾನಿಸಲು,ಅಧೀನಗೊಳಿಸಲು ಮತ್ತು ಭಯಭೀತಗೊಳಿಸುವ ಸಂಘರ್ಷಗಳಲ್ಲಿ ಇದು ಯಾವಾಗಲೂ ಭಯಾನಕ ಅಸ್ತ್ರವಾಗಿ ಬಳಸಲ್ಪಟ್ಟಿದೆ. ಗುಜರಾತ್ ಹತ್ಯಾಕಾಂಡದ ಸಮಯದಲ್ಲಿ ಮುಸ್ಲಿಂ ಅಲ್ಪಸಂಖ್ಯಾತರ ವಿರುದ್ಧ,ಮಹಿಳೆಯರು, ಯುವತಿಯರು ಮತ್ತು ಮಕ್ಕಳು ನಿರ್ದಿಷ್ಟವಾಗಿ ಗುರಿಪಡಿಸಲಾಗಿದೆ ಮತ್ತು ಹಿಂಸಾಚಾರದ ಅತ್ಯಂತ ಹಿಂಸಾತ್ಮಕ ಮತ್ತು ಕೆಟ್ಟ ಸ್ವರೂಪಗಳಿಗೆ ಒಳಪಟ್ಟಿದೆ. ಮಣಿಪುರದಲ್ಲಿ ನಡೆದ ಘಟನೆಯೂ ಮತ್ತದನ್ನೆ ಮರುಕಳಿಸಿದೆ.
ಏತನ್ಮಧ್ಯೆ, ಬಿಜೆಪಿ-ಆರ್.ಎಸ್.ಎಸ್ ಶಕ್ತಿಗಳನ್ನು ಒಳಗೊಂಡಿರುವ ಫ್ಯಾಸಿಸ್ಟ್ ಆಡಳಿತವು ಈ ವಿಷಯದಲ್ಲಿ ಸಂಪೂರ್ಣವಾಗಿ ಮೌನವಾಗಿರುವುದನ್ನು ನಾವು ನೋಡಬಹುದು. ವಾಸ್ತವವಾಗಿ,ಜನರು ಎದುರಿಸುತ್ತಿರುವ ಈ ಪ್ರತಿಗಾಮಿ ದಬ್ಬಾಳಿಕೆಗೆ ಈ ಫ್ಯಾಸಿಸ್ಟ್ ಶಕ್ತಿಗಳು ಕಾರಣವಾಗಿವೆ. ಮೊದಲಿನಿಂದಲೂ,AFSPA ಅಡಿಯಲ್ಲಿ ಮಿಲಿಟರಿಗೆ ವಿಶೇಷ ಅಧಿಕಾರವನ್ನು ನೀಡುವ ಈಶಾನ್ಯದ ಮಿಲಿಟರಿಕರಣದಿಂದ,ಮಹಿಳೆಯರು ಸಾಂಸ್ಥಿಕ ಲೈಂಗಿಕ ದೌರ್ಜನ್ಯದ ಗುರಿಯಾಗಿದ್ದರು.
ಅಖಿಲ ಭಾರತ ಕ್ರಾಂತಿಕಾರಿ ಮಹಿಳಾ ಸಂಘಟನೆಯು ಮಹಿಳೆಯರ ಮೇಲಿನ ಲೈಂಗಿಕ ದಬ್ಬಾಳಿಕೆಯನ್ನು ತುಳಿತಕ್ಕೊಳಗಾದ ಸಮುದಾಯಗಳ ಅಧೀನ ಮತ್ತು ಅವಮಾನಕ್ಕೆ ಸಾಧನವಾಗಿ ಬಳಸುವ ಈ ನಡತೆಯು ಅಮಾನವೀಯ,ಗಂಡಾಳಿಕೆಯ ದಾಳಿಯನ್ನು ತೀವ್ರವಾಗಿ ಖಂಡಿಸುತ್ತದೆ.ಹಾಗೆಯೆ ತಪ್ಪಿತಸ್ಥರನ್ನು ಬಂಧಿಸಬೇಕು ಮತ್ತು ಮಣಿಪುರದಲ್ಲಿ ಶಾಂತಿಯನ್ನು ಮರುಸ್ಥಾಪಿಸಬೇಕು ಎಂದು AIRWO ಕನಾ೯ಟಕ ಬಲವಾಗಿ ಒತ್ತಾಯಿಸಿತು.
