ಬೊಬ್ಬೆ ಇಡುವರು ಇಂದು,
ಕನ್ನಡ ಕನ್ನಡ ಎಂದು
ಬಂದಿದೆ ಮತ್ತೆ ನವಂಬರ್ ಒಂದು,
ಈ ದಿನ ಮಾತ್ರವೇ ಕನ್ನಡಿಗರೆಲ್ಲ ಒಂದು,
ಮರುದಿನದಿಂದಲೇ ಹಾಯ್ ಹಲೋ,ಬಾಯ್,
ಎನ್ನುತ್ತಾ ಆಂಗ್ಲಮ್ಮನಿಗೇ
ಶರಣಾಗುವರು,
ಕನ್ನಡಮ್ಮನ ಮರೆಯುವವರು
ಕನ್ನಡಿಗರಿವರು ನವಂಬರ್ ಕನ್ನಡಿಗರು,!
ಕ್ಷಮಿಸಿ ನೀವು ಈ ಕನ್ನಡಿಗರಾದರೆ!
ಕನ್ನಡ ನಾಡನು ಉಳಿಸೋಣ,
ಕನ್ನಡ ಭಾಷೆಯ ಬೆಳೆಸೋಣ,
ಕನ್ನಡಿಗರಾಗಿ ಬದುಕೋಣ.
ಕನ್ನಡಿಗರು ನಾವು ವಿಶಾಲ ಹೃದಯದವರು,
ಅಲ್ಲವೇ ಮತ್ತೆ? ಅದಕ್ಕೆ ಅಲ್ಲವೇ
ಈಗ ನಾವೆಲ್ಲ ಹುಡುಕುತ್ತಿರುವೆವು,…
ಎಲ್ಲಿದೆ ಕನ್ನಡ,ಕನ್ನಡ?
ಎತ್ತ ನೋಡಿದರೂ ಎನ್ನಡ,
ಎಕ್ಕಡ,
ಕಾಣುತ್ತಿಲ್ಲ ಯಾರಿಗೂ ನಮ್ಮ ಕನ್ನಡ!
-ಶಿವಪ್ರಸಾದ್ ಹಾದಿಮನಿ,ಕೊಪ್ಪಳ.
