ಭದ್ರಾವತಿ ಸಂಚಾರಿ ಪೊಲೀಸರಿಂದ “ವೇಗಮಿತಿ”, “ನೋ ಪಾರ್ಕಿಂಗ್” ಸೂಚನಾ ಫಲಕ ಅಳವಡಿಕೆ

ಭದ್ರಾವತಿ: ಪೊಲೀಸ್ ಉಪವಿಭಾಗದ ಸಂಚಾರಿ ಪೊಲೀಸ್ ಠಾಣೆಯ ವತಿಯಿಂದ ನಗರ ವ್ಯಾಪ್ತಿಯ ವಿವಿಧ ಸ್ಥಳಗಳಲ್ಲಿ ಸಾರ್ವಜನಿಕರಿಗೆ ರಸ್ತೆ ಸುರಕ್ಷತೆ ಹಾಗೂ ಸಂಚಾರಿ ನಿಯಮ ಪಾಲನೆಯ ತಿಳುವಳಿಕೆಯ ಸಲುವಾಗಿ NO PARKING (ನೋ ಪಾರ್ಕಿಂಗ್) 20 ಸೂಚನಾ ಫಲಕಗಳನ್ನು ಐ ಐ ಎಫ್ ಎಲ್ ಗೋಲ್ಡ್ ಲೋನ್ (IIFL GOLD LOAN)ರವರ ಸಹಾಯದಿಂದ ಅಳವಡಿಸಲಾಯಿತು.

ವಿದ್ಯಾಮಂದಿರದ ಬಳಿ, ಎಸ್ ಎ ವಿ ಶಾಲೆಯ ಬಳಿ, ವಿ ಐ ಎಸ್ ಜೆ ಪಾಲಿಟೆಕ್ನಿಕ್ ಕಾಲೇಜು, ಸೈಂಟ್ ಚಾರ್ಲ್ಸ್ ಶಾಲೆ ಉಂಬ್ಳೇಬೈಲು ರಸ್ತೆ, ಪೂರ್ಣಪ್ರಜ್ಞಾ ಶಾಲೆ ಸಮೀಪ ಬಿ.ಹೆಚ್ ರಸ್ತೆ, ಹೊಸಮನೆ ತಮಿಳು ಶಾಲೆಯ ಬಳಿ, ಸೀಗೆಬಾಗಿ ಪೆಟ್ರೋಲ್ ಬಂಕ್, ಗಾಂಧಿ ವೃತ್ತ(ಸರ್ಕಲ್)ದ ಸರ್ಕಾರಿ ಕಾಲೇಜು ಬಳಿ, ಶಾಲಾ ವಲಯಗಳಲ್ಲಿ ವೇಗದ ಮಿತಿ (Speed Limit)ಹಾಗೂ ನೊ ಪಾರ್ಕಿಂಗ್ ನ 20 ಸೂಚನಾ ಫಲಕಗಳನ್ನು ನಗರದಾದ್ಯಂತ ಅಳವಡಿಸುವ ಮೂಲಕ
ಸಂಚಾರೀ ಪೋಲೀಸರು ಸಾರ್ವಜನಿಕರಿಗೆ ಮಾಹಿತಿ ಮತ್ತು ಅರಿವು ಮೂಡಿಸಲು ಮುಂದಾಗಿದ್ದಾರೆ.

ವೇಗದ ಮಿತಿ ಹಾಗೂ ನೊ ಪಾರ್ಕಿಂಗ್ ಅಳವಡಿಸುವ ಸಂದರ್ಭದಲ್ಲಿ ಭದ್ರಾವತಿ ಸಂಚಾರಿ ಠಾಣೆಯ ಠಾಣಾಧಿಕಾರಿ ಚಂದ್ರಶೇಖರ ನಾಯ್ಕ್, ಸಹಾಯಕ ಠಾಣಾಧಿಕಾರಿಗಳು, ಸಂಚಾರೀ ಠಾಣೆಯ ಸಿಬ್ಬಂದಿ ಹಾಗೂ ಐಐಎಫ್ಎಲ್ ಗೋಲ್ಡ್ ಲೋನ್ (IIFL GOLD LOAN) ಸಿಬ್ಬಂದಿ ಪಾಲ್ಗೊಂಡಿದ್ದರು.

ವರದಿ : ಕೆ. ಆರ್. ಶಂಕರ್