ಶಿವಮೊಗ್ಗ: 2026ರ ಜನವರಿ 5ರ ಸೋಮವಾರದಿಂದ ಜನವರಿ 25ರ ರಥಸಪ್ತಮಿ ತನಕ “108 ಸೂರ್ಯನಮಸ್ಕಾರಗಳ ಚಾಲೆಂಜ್” ಎಂಬ ಹೆಸರಿನಲ್ಲಿ ಸೂರ್ಯನಮಸ್ಕಾರಗಳ ವಿಶೇಷ ತರಬೇತಿ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ.
ಈ ಯೋಗ ಶಿಬಿರವನ್ನು ಕಣಾದ ಯೋಗ ಹಾಗೂ ರಿಸರ್ಚ್ ಫೌಂಡೇಷನ್ ವತಿಯಿಂದ, ಯುವಸಬಲೀಕರಣ ಮತ್ತು ಕ್ರೀಡಾ ಇಲಾಖೆ ಸಹಯೋಗದೊಂದಿಗೆ ನಗರದ ನೆಹರೂ ಸ್ಟೇಡಿಯಂನಲ್ಲಿ ಪ್ರತಿದಿನ ಬೆಳಿಗ್ಗೆ 5.45ರಿಂದ 7.00 ಗಂಟೆಯವರೆಗೆ ನಡೆಸಲಾಗುತ್ತದೆ.
ಮಕ್ಕಳು, ಮಹಿಳೆಯರು ಹಾಗೂ ಸಾರ್ವಜನಿಕರು ಸೇರಿದಂತೆ ಎಲ್ಲ ವರ್ಗದ ಜನರಿಗೆ ಪ್ರವೇಶ ಮುಕ್ತವಾಗಿದ್ದು, ಅಧಿಕ ತೂಕ,ಬೊಜ್ಜು, ಗ್ಯಾಸ್ಟ್ರಿಕ್ ಸಮಸ್ಯೆ,ಇತ್ಯಾದಿ ಅನೇಕ ದೈಹಿಕ ಮಾನಸಿಕ ಕಾಯಿಲೆಗಳ ನಿವಾರಣೆಗೆ ಸಹಾಯಕವಾಗುವ ರೀತಿಯಲ್ಲಿ ಕ್ರಮಬದ್ಧವಾಗಿ ಸೂರ್ಯನಮಸ್ಕಾರಗಳ ಅಭ್ಯಾಸವನ್ನು ತರಬೇತುದಾರರು ನೀಡಲಿದ್ದಾರೆ.
ವರದಿ : ಕೊಡಕ್ಕಲ್ ಶಿವಪ್ರಸಾದ್
