ಇಂಡಿ: ಕಾಂಗ್ರೆಸ್ ಈ ಬಾರಿ ಸಂಪೂರ್ಣ ಬಹುಮತದೊಡನೆ ಸರ್ಕಾರ ರಚಿಸಲಿದೆ ಕರ್ನಾಟಕದ ಚುನಾವಣೆಯ ಫಲಿತಾಂಶವು ರಾಷ್ಟ್ರ ರಾಜಕಾರಣದ ಭವಿಷ್ಯ ನಿರ್ಧರಿಸಲಿದೆ ಕಳೆದ ಎರಡು ಅವಧಿಗೆ ತಾವು ನನಗೆ ಆಶೀರ್ವಾದ ಮಾಡಿ ಅಧಿಕಾರದ ಶಕ್ತಿ ನೀಡಿದ್ದೀರಿ ನಿಮ್ಮ ಋುಣ ಮರೆವುದಿಲ್ಲ ಇದೊಂದು ಬಾರಿ ನನಗೆ ಹಿ೦ದಿನಂತೆ ಮತ ನೀಡಿ ಆಶೀರ್ವಾದ ಮಾಡ ಬೇಕು ಎಂದು ತಮ್ಮ ಮನೆಯ ಬಾಗಿಲಿಗೆ ಬಂದಿರುವೆ ತಮ್ಮ ಅಮೂಲ್ಯವಾದ ಮತ ನೀಡಿ ಪ್ರಚಂಡ ಬಹುಮತದಿಂದ ಗೆಲ್ಲಿಸಬೇಕು ಎಂದು ಕಾಂಗ್ರೆಸ್ ಅಭ್ಯರ್ಥಿ ಯಶವಂತರಾಯ ಗೌಡ ಪಾಟೀಲ ಹೇಳಿದರು.
ತಾಲೂಕಿನ ಮಾವಿನಹಳ್ಳಿ ಗ್ರಾಮಸ್ಥರು ವಿವಿಧ ಸಮುದಾಯಗಳಿಂದ ಯಶವಂತ ರಾಯಗೌಡ ಪಾಟೀಲರಿಗೆ ಸನ್ಮಾನ ಮಾಡಲಾಗಿತ್ತು,ಗ್ರಾಮದಲ್ಲಿ ಮತಯಾಚನೆ ಸಭೆಯಲ್ಲಿ ಮಾತನಾ ಡಿದ ಅವರು, ತಾವು ನೀಡಿದ ಶಕ್ತಿಯಿಂದ ಇಂಡಿ ಮತಕ್ಷೇತ್ರದಲ್ಲಿ ಹಲವಾರು ಅಭಿವೃದ್ಧಿ ಕಾರ್ಯಗಳನ್ನು ಮಾಡಿರುವ ನಿಮ್ಮ ಮುಂದೆ ಇದ್ದು,ಪ್ರತಿಯೊಂದು ಸಮುದಾಯದ ಜೊತೆ ಉತ್ತಮ ಬಾಂಧವ್ಯವನ್ನು ಇಟ್ಟುಕೊಂಡು ರಾಜಕಾರಣ ಮಾಡಿದ್ದೇನೆ ಸರ್ವ ಜನಾಂಗವನ್ನು ಪ್ರೀತಿಸುತ್ತಾ ಅವರ ವಿಶ್ವಾಸಗಳಿಸಿದ್ದೇನೆ ಅಭಿವೃದ್ಧಿ ಕಾರ್ಯಗಳನ್ನು ನೋಡಿ ಮತನೀಡಿ ಎಂದು ಹೇಳಿದರು.
ನಾನು 30 ವರ್ಷಗಳ ರಾಜಕೀಯದಲ್ಲಿ ಸರ್ವ ಜನಾಂಗವನ್ನು ಪ್ರೀತಿಸುತ್ತ, ಪ್ರತಿಯೊಂದು ಸಮುದಾಯಕ್ಕೆ ಸ್ಥಾನಮಾನಗಳನ್ನು ನೀಡಿದ್ದೇನೆ. ಕ್ಷೇತ್ರದ ಜನತೆ ನನಗೆ ಪ್ರೀತಿಯಿಂದ ಕಾಣುತ್ತಿದ್ದಾರೆ ಎಂದರು.
ಈ ಒಂದು ಸಂದರ್ಭದಲ್ಲಿ ಮಲ್ಕಪ್ಪ ಜಂಗಲಿಗಿ, ಜಾವೀದ್ ಮೋಮಿನ, ಮೈಬು ಅರಬ್ , ಪ್ರಭು ಹೊಸಮನಿ, ಭೀಮರಾಯ ಕಾಂಬಳೆ , ಸುಖಮಲ್ಲ ಬಾರಣಿ , ಗಂಗಾಧರ್ ಕಾಂಬಳೆ, ಶ್ರೀಮಂತ ಕಾಂಬಳೆ , ರಾಮಣ್ಣ ಬಾರಣಿ , ಗಂಗಾಧರ ನಾಟಿಕರ್, ಶಂಕರ್ ನಾಟಿಕಾರ್ , ಖಾಜಪ್ಪ ಕಾಂಬಳೆ, ಸಂತೋಷ ದಶ್ವಂತ್ , ರಾಹುಲ್ ಉತರೆ, ಶಿವಾನಂದ ಕಾಂಬಳೆ, ರಾಮಚಂದ್ರ ಕಾಂಬಳೆ, ಸುಭಾಷ್ ಕಾಂಬಳೆ,ರಾಜಕುಮಾರ್ ಬಾರಣಿ ,ಆಶಿಪ್ ಶೇಕ್ ಸೇರಿದಂತೆ ಮುಖಂಡರು, ಕಾರ್ಯಕರ್ತರು ಇದ್ದರು.
ವರದಿ-ಅರವಿಂದ್ ಕಾಂಬಳೆ ಇಂಡಿ
