ಬೊಬ್ಬೆ ಇಡುವರು ಇಂದು ಕನ್ನಡ ಕನ್ನಡ ಎಂದು,
ಬಂದಿದೆ ಮತ್ತೆ
ನವೆಂಬರ್ ಒಂದು,
ಈ ದಿನ ಮಾತ್ರವೇ
ಕನ್ನಡಿಗರೆಲ್ಲಾ ಒಂದು,
ಮರು ದಿನದಿಂದಲೇ
ಹಾಯ್, ಹಲೋ, ಎನುತ
ಆಂಗ್ಲಮ್ಮನಿಗೇ ಶರಣಾಗುವರು,
ಕನ್ನಡಮ್ಮನ ಮರೆಯುವರು,
ಕನ್ನಡಿಗರಿವರು,
ನವೆಂಬರ್ ಕನ್ನಡಿಗರು,!
ಕ್ಷಮಿಸಿ, ನೀವೂ ಈ ಕನ್ನಡಿಗರಾದರೆ!?
ಕನ್ನಡ ನಾಡನು ಉಳಿಸೋಣ,
ಕನ್ನಡ ಭಾಷೆಯ ಬೆಳೆಸೋಣ, ಕನ್ನಡಿಗರಾಗಿ
ಬದುಕೋಣ,
ಕನ್ನಡಿಗರು ನಾವು,
ವಿಶಾಲ ಹೃದಯದವರು,
ಅಲ್ಲವೇ ಮತ್ತೆ,? ಅದಕ್ಕೇ
ಅಲ್ಲವೇ ಈಗ ನಾವೆಲ್ಲ ಹುಡುಕುತ್ತಿರುವೆವು,..
ಎಲ್ಲಿದೆ ಕನ್ನಡ, ಕನ್ನಡ?,
ಎತ್ತ ನೋಡಿದರೂ
ಎನ್ನಡ, ಎಕ್ಕಡ, !ಕಾಣುತ್ತಿಲ್ಲ
ಯಾರಿಗೂ ನಮ್ಮ ಕನ್ನಡ!?..
- ಶಿವಪ್ರಸಾದ್ ಹಾದಿಮನಿ, ಕನ್ನಡ ಉಪನ್ಯಾಸಕರು.
ಸ. ಪ್ರ. ದ. ಕಾಲೇಜು, ಕೊಪ್ಪಳ.
ಮೊ :೭೯೯೬೭೯೦೧೮೯.
