ಕೊಡಗು / ವಿರಾಜಪೇಟೆ : 2023ರ ಮೇ 14 ಕೊಡಗಿನ ಇತಿಹಾಸದಲ್ಲಿ ಸುವರ್ಣಾಕ್ಷರಗಳಲ್ಲಿ ದಾಖಲಿಸಬೇಕಾದ ದಿನ. ಸುಮಾರು ಕಾಲು ಶತಮಾನದ (25 ವರ್ಷಗಳ) ದುರಾಡಳಿತಕ್ಕೆ ಅಂತ್ಯ ಹಾಡಿ, ಕಾವೇರಿ ಮಾತೆಯ ವರಪುತ್ರ ಎ.ಎಸ್. ಪೊನ್ನಣ್ಣನವರು ವಿರಾಜಪೇಟೆಯಲ್ಲಿ ವಿಜಯಪತಾಕೆ ಹಾರಿಸಿ ಹೊಸ ಇತಿಹಾಸ ಸೃಷ್ಟಿಸಿದ ದಿನವಿದು.
ಸಾಧನೆಯ ಪಥದಲ್ಲಿ ಮೂರು ವಸಂತಗಳು :
ಶಾಸಕರಾಗಿ ಮೂರು ವರ್ಷಗಳನ್ನು ಯಶಸ್ವಿಯಾಗಿ ಪೂರೈಸಿದ ಪೊನ್ನಣ್ಣನವರಿಗೆ ಹೃತ್ಪೂರ್ವಕ ಅಭಿನಂದನೆಗಳು. ಮೊದಲ ಬಾರಿಗೆ ಶಾಸಕರಾಗಿ ಆಯ್ಕೆಯಾದರೂ, ತಮ್ಮ ಅದ್ವಿತೀಯ ವರ್ಚಸ್ಸಿನಿಂದ ಇಡೀ ದೇಶವೇ ಕೊಡಗಿನತ್ತ ತಿರುಗಿ ನೋಡುವಂತೆ ಮಾಡಿದ ಕೀರ್ತಿ ಅವರಿಗೆ ಸಲ್ಲುತ್ತದೆ.
ಸಂಕಷ್ಟದ ಸಮಯದಲ್ಲಿ ಸರ್ಕಾರದ ರಕ್ಷಕ :
ಆಡಳಿತದ ಚುಕ್ಕಾಣಿ ಹಿಡಿದ ದಿನದಿಂದಲೂ ತಮ್ಮ ಅಗಾಧವಾದ ಕಾನೂನು ಜ್ಞಾನದ ಮೂಲಕ ಗಮನ ಸೆಳೆದಿದ್ದಾರೆ. ವಿರೋಧ ಪಕ್ಷಗಳ ಕುತಂತ್ರದಿಂದ ಸರ್ಕಾರ ಇಕ್ಕಟ್ಟಿಗೆ ಸಿಲುಕಿದಾಗಲೆಲ್ಲಾ, ಕಾನೂನು ಪಂಡಿತರಾಗಿ ಅದಕ್ಕೆ ರಕ್ಷಾಕವಚದಂತೆ ನಿಂತವರು ನಮ್ಮ ಪೊನ್ನಣ್ಣನವರು.
ಪ್ರತಿಭೆಗೆ ಸಂದ ಗೌರವ :
ಅವರ ಕಾರ್ಯದಕ್ಷತೆ ಮತ್ತು ವಿದ್ವತ್ತನ್ನು ಗುರುತಿಸಿದ ಸರ್ಕಾರ, ಅವರನ್ನು ಮೊದಲ ಅವಧಿಯಲ್ಲೇ ಮುಖ್ಯಮಂತ್ರಿಗಳ ಕಾನೂನು ಸಲಹೆಗಾರರನ್ನಾಗಿ ನೇಮಿಸಿ, ಕ್ಯಾಬಿನೆಟ್ ದರ್ಜೆಯ ಗೌರವವನ್ನು ನೀಡಿದೆ. ಇದು ಕೇವಲ ಅವರಿಗಷ್ಟೇ ಅಲ್ಲ, ಇಡೀ ಕೊಡಗಿಗೆ ಹೆಮ್ಮೆಯ ವಿಷಯ.
ಉಜ್ವಲ ಭವಿಷ್ಯದ ಹಾರೈಕೆ :
ಮಂತ್ರಿ ಸ್ಥಾನಕ್ಕೇರಲು ಬೇಕಾದ ಎಲ್ಲಾ ಅರ್ಹತೆ ಮತ್ತು ಯೋಗ್ಯತೆ ಹೊಂದಿರುವ ಪೊನ್ನಣ್ಣನವರು, ಮುಂದಿನ ದಿನಗಳಲ್ಲಿ ಸಚಿವರಾಗಿ, ತದ ನಂತರ ಈ ನಾಡಿನ ಮುಖ್ಯಮಂತ್ರಿಯಾಗಿ ಜನಸೇವೆ ಮಾಡುವ ಯೋಗ ಕೂಡಿಬರಲಿ ಎಂದು ಕುಲದೇವಿ ಕಾವೇರಮ್ಮನಲ್ಲಿ ಪ್ರಾರ್ಥಿಸುತ್ತೇನೆ.
ಪೊನ್ನಣ್ಣನವರ ಜನಪರ ಸೇವೆ ಹೀಗೆಯೇ ಮುಂದುವರಿಯಲಿಯೆಂದು ಕೊಡಗಿನ ಜನರು ಹಾರೈಸಿದ್ದಾರೆ.
ವರದಿ : ಪ್ರಿತುನ್ ಪೂವಣ್ಣ
