ಕವನದ ಶೀರ್ಷಿಕೆ:ಸೌಭಾಗ್ಯ

ಕಥೆಗಾರ ಸೊಗಸುಗಾರ ನೀನು
ಕೊನೆವರೆಗೆ ಇರಲಿ ನಿನ್ನ ಕವನ
ಸಾರಾಂಶದ ಕಥೆಯು ಅರ್ಥವು ನೀಡುವುದು
ಜಗತ್ತಿಗೆ ಬೆಳಕಾಗುವುದು ನೋಡು
ಇದಕ್ಕಿಂತ ಹೆಚ್ಚಿನ ಸೌಭಾಗ್ಯ ಇನ್ನೇನು//

ಬರುವೆನು ನಾನು ಒಂದು ದಿನ
ನನ್ನ ಹಿಂದೆ ಇದ್ದಾರೆ ಬಹಳ ಜನ
ಮುಂದೆ ಬರಲಕ್ಕ ಆಗದು ನೋಡು
ಹಿಂದ ನಿಂತು ಹಾರೈಸುವರು ನನ್ನವರು
ಇದಕ್ಕಿಂತ ಹೆಚ್ಚಿನ ಸೌಭಾಗ್ಯ ಇನ್ನೇನು//

ಭೂಮಿಯ ಮಡಿಲು ಹಸಿರು
ಸ್ವರ್ಗ ಸೇರುವುದು ಸುಂದರ
ನೋಡದ ಮನಸ್ಸು ಕಂಡು ಹೇಳಿತು
ವಿಸ್ಮಯ ಜಗತ್ತು ಸುಂದರವಾಗಿತು
ಇದಕ್ಕಿಂತ ಹೆಚ್ಚಿನ ಸೌಭಾಗ್ಯ ಇನ್ನೇನು//

ನದಿಯಲ್ಲಿ ಮೀನು ಮೊಸಳೆ ಚಂದ
ಮನಸ್ಸಿಗೆ ಸೊಗಸಾದ ಹೂ ಚಂದ
ಹಡಗಿನ ನಾವಿಕನಾಗುವುದೇ ಸೌಭಾಗ್ಯ
ದಡ ಸೇರಲು ಬೇಕು ಒಳ್ಳೆಯ ಗುಣ
ಇದಕ್ಕಿಂತ ಹೆಚ್ಚಿನ ಸೌಭಾಗ್ಯ ಇನ್ನೇನು//

-ಮಹಾಂತೇಶ ಖೈನೂರ