ಗುರುವೆಂದರೆ,
ಅಕ್ಷರ ಜ್ಞಾನ ಕೊಡುವವರು
ಅಕ್ಕರೆಯ ಪ್ರೀತಿ ತೋರುವವರು
ಸಕ್ಕರೆಯ ಸಹ ಬಾಳ್ವಿಗೆ ಸಂದೇಶ ನೀಡಿವವರು….!
ಗುರುವೆಂದರೆ,
ಬದುಕು ಕೊಟ್ಟವರು,
ಬದುಕಲು ದಾರಿ ತೋರಿವವರು
ಬದುಕಿನುದ್ದಕ್ಕೂ ಬೆನ್ನೆಲುಬಾಗಿರುವವರು….!
ಗುರುವೆಂದರೆ,
ಪ್ರತಿ ಹೆಜ್ಜೆಗೆ ಕಾಯುವವರು
ಪ್ರೀತಿ ಮಮತೆಯಲಿ ಬೆರೆಯುವವರು
ಭೂತ ಪ್ರೇತಗಳ ನಂಬಿಕೆ ಅಳಿಸುವವರು….!
ಗುರುವೆಂದರೆ,
ಜಾತಿ ಧರ್ಮಗಳನು ಎತ್ತಿ ಹಿಡಿಯದವರು
ಕೋಮುಗಲಭೆಗಳ ಬೀಜ ಬಿತ್ತದವರು
ಸರ್ವ ಜನಾಂಗದಲಿ ಶಾಂತಿ ಸೃಷ್ಟಿಸುವವರು….!
ಗುರುವೆಂದರೆ,
ಸ್ತ್ರೀ ಸಮಾನತೆಗೆ ಒತ್ತುಕೊಡುವವರು
ನೈಜ ಇತಿಹಾಸವನ್ನು ಬೋಧಿಸುವವರು
ತಾರತಮ್ಯ ಮಾಡದೆ ಸಮಾನ ಭಾವದಿ ಕಾಣುವವರು….!
ಗುರುವೆಂದರೆ,
ದ್ವೇಷ ಅಸೂಯೆಗಳಿಂದ ದೂರಿರುವವರು
ರೋಷ ಆಕ್ರೋಶಗಳನು ತೊರೆಯುವವರು
ದೇಶ ಭಾಷೆಗಳನು ಪ್ರೀತಿಸಿ ಮುನ್ನಡೆಯುವವರು….!!
- ಹನುಮಂತ ದಾಸರ
ಭಾರತ ಸೇವಾರತ್ನ ಪ್ರಶಸ್ತಿ ಪುರಸ್ಕೃತರು
ಮೊ: 9945246234.
