ಒಲವೇ ನೀನಿರು ಹೂವಾಗಿ
ಮಾಸದಿರಲಿ ನಗು ಜೇನಾಗಿ
ಬೇಡಲಾರೆ ದೇವರಲಿ ನನಗಾಗಿ
ಜಗವೇ ಉಡುಗೊರೆಯಾಗಲಿ ನಿನಗಾಗಿ
ಬಯಸಿದ್ದೆ ನಿನ್ನನು ಒಲವಿಗಾಗಿ
ನೀನೊಂದೆ ಆಯ್ಕೆ ನನಗಾಗಿ
ಏಳು ಜನುಮ ನಿನಗಾಗಿ
ಕಾಯಬಲ್ಲೆ ಅಳುಕದೆ ಒಂಟಿಯಾಗಿ
ಸ್ಮರಿಸಿ ನಿನ್ನನು ಕಾಣುವುದಕ್ಕಾಗಿ
ಧ್ಯಾನಿಸಿ ನೀ ಬರುವ ಕನಸಿಗಾಗಿ
ಕಾಯುವೆ ನಿನ್ನ ಬಿಂಬಕ್ಕಾಗಿ
ನೀ ಕಂಡಾಗ ಅದೇನು ಖುಷಿ ಆತ್ಮಕ್ಕಾಗಿ
ಕನಸುಗಳೇ ಸಂಪತ್ತು ನನಗಾಗಿ
ಕನಸನ್ನೇ ಬಯಸುವೆ ನಿನಗಾಗಿ
ಒಲವು ಬಾಡದೆ ಹಸಿರಾಗಿ
ಆತ್ಮದಲಿ ಉಳಿದಿದೆ ಅಮರವಾಗಿ
ನೀನಾಡಿದ ಮಾತುಗಳು ಅಚ್ಚಾಗಿ
ಆಗಾಗ ಕೇಳಿಸಿಕೊಳ್ಳುವೆ ಖುಷಿಗಾಗಿ
ದೂರಿದ್ದರೂ ನೀನು ನೆರಳಾಗಿ
ತಂಪು ಸೂಸಿ ಬರುತಿದೆ ನನಗಾಗಿ
- ಕಲ್ಲಪ್ಪ ಕವಳಕೇರಿ ಮಂಗಳೂರು
( ಕೊಪ್ಪಳ ಜಿಲ್ಲೆ )
