ನಮ್ಮ ಕರ್ನಾಟಕ

ನಾಡ ನೆಲದ ಮಣ್ಣಿನಲ್ಲಿ
ಅಮೃತದ ಚೇತನ ಕಣಕಣದಲ್ಲಿ
ಸೂರ್ಯ ಚಂದ್ರರು ನಾಡಿನಲ್ಲಿ
ತೈಲವಾಗಿರುವರು ಬೆಳಗಲಿಲ್ಲಿ

ಗಂಗೆ ತುಂಗೆ ಕಾವೇರಿಯರಿಲ್ಲಿ
ನೆಲೆನಿಂತು ಹಸಿರಿಸಿ ನೆಲವನ್ನಿಲ್ಲಿ
ಜೀವ ಸಂಕುಲಗಳ ಸಲುಹಿ ನಿಸ್ವಾರ್ಥದಲ್ಲಿ
ನಾಡ ಹಿರಿಮೆಗೆ ಹೆಸರಾದರಿಲ್ಲಿ

ಜೋಗ ಜಲಪಾತದ ಶರಗಿನಲ್ಲಿ
ಹೊಳೆಗಳು ಕರುಳಾಗಿ ಮಲೆನಾಡಿಗಿಲ್ಲಿ
ಶ್ರೀಗಂಧವ ಪಸರಿಸಿ ಗಾಳಿಯಲ್ಲಿ
ಗಂಧದ ಗೂಡನ್ನಾಗಿಸಿವೆ ನಾಡನ್ನಿಲ್ಲಿ

ಬಯಲು ಸೀಮೆಯ ನೆಲದಲ್ಲಿ
ಸಿರಿಧಾನ್ಯಗಳು ಐಸಿರಿಯಾಗಿ ಪೈರಿನಲ್ಲಿ
ಬೆಳಸಿ ಕಳಸವಾಗಿ ಅನ್ನಕ್ಕಿಲ್ಲಿ
ನಾಡಿಗೆ ಜೇನಾಗಿವೆ ಉಣಲಿಲ್ಲಿ

ನಾಡ ಮಾತೃವಿನ ಮಡಿಲಲ್ಲಿ
ಕನ್ನಡ ಗುಡಿಯಾಗಿ ಪೂಜೆಗಿಲ್ಲಿ
ಮಾತನಾಡುವ ಭಕ್ತರ ಹೃದಯದಲ್ಲಿ
ಹೂವಾಗಿ ಪರಿಮಳಿಸುತ್ತಿದೆ ನಿತ್ಯದಲ್ಲಿ

• ಕಲ್ಲಪ್ಪ ಕವಳಕೇರಿ ಮಂಗಳೂರು✍️
  ( ಕೊಪ್ಪಳ ಜಿಲ್ಲೆ )